Gwamnatin Jihar Sokoto Zata Sake Gina Gidan Shehu Shagari Da Ya Kone

DAGA YASIR SANI ABDULLAHI

Gwamnan jihar Sokoto, Dr Ahmed Aliyu Sokoto, ya bayar da umarnin sake gyara gidan tsohon shugaban kasa Shehu Shagari gaba daya da gobara ta kone a makon jiya.

Gwamnan ya bada umarnin ne a ranar Asabar din da ta gabata jim kadan bayan ya ziyarci gidan da ya kone domin tantance irin barnar da gobarar ta yi.

Sojoji Sun Kwato Mutane 6 Daga Hannun Masu Garkuwa Da Mutane A Jihar  Kebbi

Ya bayyana gobarar a matsayin bala’i da ban tausayi, inda ya bayyana gidan da ya kone a matsayin mai tarihi ba wai ga jihar Sakkwato kadai ba har ma da kasa baki daya.

A gare mu, wannan gidan yana da matukar muhimmanci a tarihi kasancewar gidan tsohon zababben shugaban kasa na farko a Najeriya Shehu Usman Aliyu Shagari.

Gwamnatina za ta kasance mai son aje tarihi don haka mun dauki nauyin sake gina wannan gini gaba dayans Insha Allah Aliyu ya tabbatar wa matasan Sokoto.

Kamar abin tarihi ne ga tsararraki masu zuwa, saboda haka, za mu gyara wannan gidan in ji Aliyu.

Yayin da yake jajantawa iyalan marigayi shugaban kasar kan gobarar, Aliyu ya roki Allah Madaukakin Sarki da ya kiyaye afkuwar lamarin ba tareda an rasa rai ba.

Wasu daga cikin iyalan tsohon shugaban kasar ne suka zagaya da gwamnan yankin da abin ya shafa na gidan da aka kona.

A wani labarin kuma Sojoji Sun Kwato Mutane 6 Daga Hannun Masu Garkuwa Da Mutane A Jihar  Kebbi

Gwamnatin tarayya ta ce yanzu haka shirye-shirye sunyi nisa domin sauya akalar motoci har milyan 10 masu amfani da man fetir zuwa amfani da Gas nan da watanni 36 masu zuwa.

Karaminin ministan Mai, Ekperikpe Ekpo ne ya baiyana haka a yayin baje kolin mai da iskar gas na shekarar bana wanda ake gudanarwa a birnin Abu Dhabi na hadaddiyar daular larabawa.

A wata sanarwa da kakakinsa Louis Ibah ya fitar, ya baiyaan cewar a yanzu haka anyi kawance da kanfanoni masu zaman kansu domin kawo kayayyakin da za’a yi amfani dasu wajen sauya akalar motocin nan da watanni 9 masu zuwa.

Ya ce matakin wani yunkuri ne na inganta yin amfani da Gas a tsakanin motocin kasar a maimakon Man fetir da suka dogara dashi.