Shugabannin tsaro na Jihar Kano sun ziyarci Aminu Ado Bayero

DAGA YASIR SANI ABDULLAHI 

Manyan jami’an tsaro daga ciki har da kwamishinan ‘yan sanda da na DSS da soji reshen Kano sun ziyarci Alhaji Aminu Ado Bayero a Nasarawa.

Wannan na zuwa ne bayan taron manema labarai da gwamnan jihar ya yi da safiyar yau Asabar.

Da Dumi-Dumi: Gwamnan Kano ya bayar da umarnin tsare tsohon Sarkin Kano Aminu Ado Bayero cikin gaggawa

A baya dai gwamnan na Kano Abba Kabir Yusuf ya bayar da umarnin a kama Aminu Ado Bayero, sai dai kwamishinan ‘yan sandan Usaini Gumel ya ce ba su samu wannan umarnin a hukumance ba.