News
Mutum Aƙalla Shida Ne Suka Mutu Bayan Wata ‘Yar Ƙunar-baƙin-wake Ta Tashi Bam A Taron Biki
DAGA MUHAMMAD MUHAMMAD ZAHRADDIN
Mutum aƙalla shida sun mutu bayan wata ‘yar ƙunar-baƙin-wake ta tashi bam da ke jikinta a ƙaramar hukumar Gwoza ta Jihar Borno da ke arewa maso gabashin Nijeriya ranar Asabar.
Kamfanin dillancin labaran News Agency of Nigeria (NAN), wanda ya ambato Kwamishinan ‘yan sandan Jihar Borno Yusuf Lawal yana tabbatar da aukuwar lamarin, ya ƙara da cewa mutum kimanin 15 ne suka jikkata.
Ganau sun ce matar, wadda ke goye da jariri, ta tashi bam ɗin ne a wani wurin biki a Marrarraban Gwoza.
NAN ya ambato wani ganau mai suna Muhammed Kasim yana cewa “mun ji babbar ƙarar fashewar wani abu da kuma tashin ƙura; sannan muka ga gangar jikin mutane a ƙasar.”
Ya ce an garzaya da mutanen da suka jikkata asibitin da ke Gwoza domin yi musu magani.
‘Kisa a maƙabarta’
Kazalika bayanai sun nuna cewa wani ɗan ƙunar-baƙin-waken ya tayar da bam a maƙabarta lokacin da aka je binne mutanen da suka rasu a harin bam na farko.
Mutumin, wanda ya saje a cikin masu jana’iza, ya kashe mutum ɗaya tare da jikkata wasu.
Tuni dai rundunar sojojin Nijeriya da ke aiki a yankin ta sanya dokar hana fita a Gwoza.
Gwamnonin Najeriya Sun Nemi Karin Karfin Iko A Tsarin Samar Da Yan Sandan Jihohi
Jamhuriyar Nijar Ta Miƙa Buƙatar Ficewa Daga Kotun Hukunta Manyan Laifuka Ta Duniya ICC
Iran Ta Ayyana Hutun Kwanaki Uku A Tehran Domin Jana’izar Ali Khamenei
Ba Wanda Ya Isa Yace Mana Ga Yadda Zamu Sarrafa Kudadenmu Da Amurka Ta Dagewa Takunkumi – Iran
IGP Disu Ya Haramta Wa Jami’an ’Ƴansanda Yin Harkoki A Soshiyal Midiya Ba Tare Da Izini Ba
Cutar Kwalara Ta Hallaka Akalla Mutum 74 A Borno
ICPC Ta Yi Barazanar Daurin Shekaru 7 Ga Masu Yiwa Baki Rajistar NIN A Matsayin Yan Najeriya
Jam’iyyar ADC Ta Yi Watsi Da Cire Ta Daga Rijista, Ta Sha Alwashin Kalubalantar Hukuncin Kotu
Hayar Jirage Hadi Sirika Ya Dakko Daga Habasha Don Damfarar Yan Najeriya Da Sunan “Nigeria Air” — Shaida
