News
Gwamna Abba Ya Dauki Masu Gadi 17,600 Don Bai Wa Makarantun Jihar Tsaro
Gwamnatin Jihar Kano ƙarƙashin jagorancin Gwamna Abba Kabir Yusuf ta bayyana cewa za ta ɗauki masu gadi 17,600 domin samar da tsaro a makarantun gwamnati a faɗin jihar.
Gwamnatin ta ce za a raba sabbin ma’aikatan tsaron ne a tsakanin kananan hukumomi 44 da ke cikin jihar, inda za a tura mutum 400 a kowace ƙaramar hukuma.
Mai magana da yawun gwamnan, Sunusi Bature Dawakin Tofa, ne ya bayyana hakan a wata sanarwa da ya fitar a ranar Litinin.
A cewar sanarwar, matakin ya biyo bayan damuwar da gwamnati ke da ita kan yadda rashin tsaro ke barazana ga rayuwar ɗalibai da malamai a makarantu.
“Mun ɗauki wannan mataki ne saboda muna da alhakin kare lafiyar ’ya’yanmu da malamai. Ba za mu bari tsoro ko rashin tsaro ya hana su samun ilimi ba,” in ji Gwamna Abba yayin wani taro da aka yi a Kano.
Masu gadin da za a ɗauka za su samu horo kafin a rarraba su zuwa makarantu, inda za su riƙa kula da shigowa da fitowar mutane, da sa ido kan duk wani abu da zai iya kawo barazana, tare da haɗa kai da hukumomin tsaro idan bukata ta taso.
.
JAMB Ta Saki Sakamakon Ɗalibai Miliyan 1.9
An Haramta Wa ‘Yan Kabilar Igbo Nadin Sarautar Gargajiya A Kasashen Waje
TSARO: Ba Kasafai Ake Samun Irin Tallafin Da Gwamna Lawal Ke Bawa Sojoji Ba — Babban Hafsan Tsaro
‘Yan Bindiga Sun Hallaka Direban Bas, Sun Yi Awon Gaba Da Fasinjoji A Hanyar Benin Zuwa Lagos
Jami’an NDLEA Sun Kama Hodar Iblis Da Aka Ɓoye Cikin Kwanon Abinci A Filin Jirgin Saman Legas
Muhimmancin sada zumunci – Malam Jafar
“Azumin Sitta Shawwal: Fa’idodi, Sharudda, Da Muhimmancinsa A Musulunci”
Gwamnatin Kano Ta Sanar Da Ranakun Komawa Makaranta
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
