News
Farfesa Dahiru Sale: Za Mu Tabbatar Kano Ta Ci Gajiyar Shirin TVET
Sakataren Zartarwa na Hukumar Makarantun Kimiyya da Fasaha ta Kano (STSB), Dahiru Sale Muhammad wanda ke Nema zama Farfesa, ya ce gwamnatin Kano za ta tabbatar da cewa matasan jihar sun amfana da shirin horar da matasa kan sana’o’in fasaha (TVET) da gwamnatin tarayya ta kaddamar a Abuja.
Farfesa Dahiru ya bayyana hakan ne bayan halartar bikin bude Taron Kasa na Ilimin Fasaha da Sana’o’i (TVET) da aka gudanar a babban birnin tarayya Abuja.
Ya ce shirin zai taimaka matuka wajen rage rashin aikin yi da matasa ke fama da shi a fadin kasar nan.
“Mun ga yadda Gwamna Abba Kabir Yusuf ke goyon bayan ilimi a Kano, kuma muna da tabbacin cewa za mu dauki matakin da ya dace domin ganin matasanmu sun amfana da wannan dama dari bisa dari,” in ji shi.
Ya kuma bukaci shugabannin makarantu da malamai su kara azama wajen taimakawa gwamnati da hukumar STSB domin ganin an koyar da matasa sana’o’in da za su dogara da kansu.
Taron ya samu halartar manyan jami’an gwamnati, ciki har da Ministan Ilimi, Karamin Ministan Ilimi, Ministan Kwadago da Matasa da Wasanni, da wasu kwamishinoni da shugabannin makarantu daga jihohi daban-daban na kasar.
Jami’an EFCC Sun Kama Ɗan Asalin Kamaru Bisa Zargin Damfarar Sama Da Naira Biliyan 1.5
DIYYAR NAIRA BILIYAN ƊAYA: Ko Kwandala Ba Zan Ba Yahaya Bello —Natasha Akpoti-Uduaghan
Kaso 85 Na Mata Da Ƙananan Yara Na Mutuwa Sanadin Zazzaɓin Cizon Sauro — Rahoto
INNA LILLAHI WA INNA ILAYHI RAJI’UN: Allah Ya Yi Wa Babban Malamin Darikar Tijjaniyya Sheikh Warsu Kurna Rasuwa
Abin Takaici Ne A Kyale Mata Su Cire Wandunan Da Aka Basu Akan Titi Suna Dagawa A Cikin Al’ummar Da Ke Alfahari Da Kunya Da Addini
Muhimmancin sada zumunci – Malam Jafar
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
JIGAWA: Uba Ya Fasa Aurar Da ‘Yarsa Ga Wani Saurayi Saboda Goyon Bayan Tinubu
DSS Sun Cafke Wata Matashiya Mai Yi Wa ‘Yan Bindiga Safarar Harsashai A Kano
