Wata Kungiyar Daga Kasashen ECOWAS Ta Karrama Barau Da Lambar Yabo Saboda Gudunmawarsa Ga Haɗin Kan Afirka

DAGA ABBA ANWAR 

Rahotanni na nuni da cewa irin jajircewar da Mataimakin Shugaban Majalisar Dattawa, Barau I Jibrin, ke nuna wajen inganta haɗin kai da ci gaban yankin Afirka.

‎A matsayinsa na Mataimakin Shugaban Majalisar ECOWAS, ƙungiyar ta yi tarayya da wasu ƙungiyoyin ƙasashen waje kuma ta yanke shawarar ba shi lambar yabo ta musamman. An zaɓi Barau don kyautar “Nasarar Majalisa a Afirka” saboda irin gudunmawar da ya bayar.

‎‎Gwamnatin Kano Ta Yi Alkawarin Samar Da Kayan Aiki Na Zamani Ga jami’an yada labarai Na Kananan Hukumomi 

‎A cikin wata takarda da wata ƙungiya mai suna Réseau des Jeunes du Sahel pour le Progrès, le Développement et la Démocratie (RJSPDD) ta aika masa, wanda Mista Fassoko Doumbia ya sanya hannu, an ambaci cewa an zaɓe shi a matsayin Mataimakin Shugaban Majalisar ECOWAS a ranar 4 ko 5 ga Afrilu, 2024, lokacin rantsar da sabuwar majalisar yankin a Abuja.

‎Tun daga wannan lokacin, a cewar ƙungiyar, Barau ya nuna cikakkiyar jajircewa a duk tattaunawar da majalisar ECOWAS ta yi, inda ya ba da gudummawar da ba za a iya ƙidaya ba. Hakan ya nuna irin ƙaƙƙarfan kishin ƙasa da kuma goyon bayansa ga haɗin kan Afirka.

‎Za a gudanar da bikin ba da kyautar a ɗaya daga cikin manyan biranen ƙasashen ECOWAS, inda za a san lokaci da wuri bayan an kammala shirye-shirye.

‎A matsayinsa na Mataimakin Shugaban Majalisar Dattawan Najeriya, wasiƙar ta nuna cewa hakan ya sanya shi ɗaya daga cikin fitattun ’yan majalisa a ƙasashen ECOWAS. Ƙungiyar ta ce tana gaskatawa cewa Barau yana da gogewar siyasa, amincewa da dimokuradiyya, da kuma goyon baya ga ci gaban Afirka.

‎Ta yaba wa Barau a matsayinsa na Mataimakin Shugaban Majalisar ECOWAS, wasiƙar ta ce: “Hakan ya nuna cewa Sanata Barau babban jigo ne a manufofin ketare na Najeriya. Rawar da yake takawa a ECOWAS tana nuna irin ƙwararrun ’yan majalisa da ke ƙarƙashin gwamnatin Shugaba Bola Ahmed Tinubu.”

‎A cewar ƙungiyar, Majalisar ECOWAS ta samu ci gaba mai yawa wajen haɗa ƙasashen yankin, da kuma inganta zaman lafiya da ci gaba. “Muna da masaniya game da irin rawar da Sanata Barau ya taka wajen cimma waɗannan burin,” in ji wasiƙar.

‎Daga cikin ayyukan da Barau ya yi a matsayinsa na Mataimakin Shugaban Majalisar ECOWAS, akwai:

‎- Katin Shaidar Balaguro na ECOWAS (ENBIC): Wanda aka ƙaddamar don sauƙaƙe hanyoyin balaguro da tabbatar da ainihin mutane a yankin, tare da ƙarfafa tsaron yankin.

‎- Ƙaddamar da ECOVISA: Wanda zai ba ’yan ƙasashen yankin damar yin balaguro da kasuwanci cikin sauƙi, kamar yadda ake amfani da shi a yankin Schengen.

‎- Ƙarfafa Tsarin Majalisa: Ta hanyar tattaunawa kan yadda za a magance matsalolin yankin ta hanyar ƙarfafa cibiyoyi da inganta ababen more rayuwa.

‎Bugu da ƙari, an yaba wa Barau saboda gudunmawar da ya bayar wajen sanya kuɗi a kasafin kuɗin ECOWAS na 2024, wanda ya ba da damar gudanar da Taron Duniya na Biyu na Mata da Matasa a yankin.

‎Ƙungiyar ta kuma nuna cewa Majalisar ECOWAS ta ƙara lura da yadda ake amfani da kuɗaɗen yankin, tare da yin shawarwari da hukumomi don tabbatar da gaskiya.

‎