News
Wani Matashi Ya Yi Ajalin Jami’in Vigilante A kano
Wani jami’in Vigilante a unguwar Tsamiya da ke Brigade, cikin karamar hukumar Nasarawa a Kano, Idris Salisu, ya rasu bayan da wani matashi da ake zargi, Abubakar Buli, ya caka masa wuka a gefen cikinsa.
Rahotanni sun ce lamarin ya faru ne a ranar Asabar, inda aka yi gaggawar kai marigayin asibiti, amma ya rasu kafin a kai ga ba shi cikakkiyar kulawa.
Da yake yi wa Hikima Radio karin haske kan faruwar lamarin, Dan uwan marigayin, Haruna Salisu (Dan Jummai), ya ce sun samu labarin rasuwar Idris ne tsakanin ƙarfe 11:30 zuwa 12:00 na rana. Ya ce lamarin ya girgiza su, musamman ganin cewa tashin hankalin ya faru ne cikin lokaci kaɗan.
Kwamandan Vigilante na unguwar Tsamiya, Abdullahi Musa, ya tabbatar da faruwar lamarin, inda ya ce an yi jana’izar marigayin bisa ka’idojin addinin Musulunci. Ya ce suna gudanar da aiki tare da jami’an tsaro domin tabbatar da an cafke wanda ake zargi da aikata laifin.
Ya kara da cewa rundunar Vigilante za ta ci gaba da kai rahoton duk wani bayani da zai taimaka wajen gudanar da bincike cikin gaskiya da adalci.
Kwalliya ta biya kuɗin sabulu: Mahalarta taron ASCON sun yabawa masu shirya taron bisa kulawa ta musamman da suke ba su.
An Gano Macizai Sama Da 300 A Gidan Wani Dan Kasar China
Dalilin Da Ya Sa Kotu Ta Soke Hukuncin Rijistar Jam’iyyar NDC
Kotu ta soke rajistar jam’iyyar NDC
An Daure Auren ‘Yar Farfesa Garba Sambo A Kano, An Yi Wa Ma’auratan Fatan Alheri
Cutar Kwalara Ta Hallaka Akalla Mutum 74 A Borno
ICPC Ta Yi Barazanar Daurin Shekaru 7 Ga Masu Yiwa Baki Rajistar NIN A Matsayin Yan Najeriya
Jam’iyyar ADC Ta Yi Watsi Da Cire Ta Daga Rijista, Ta Sha Alwashin Kalubalantar Hukuncin Kotu
Hayar Jirage Hadi Sirika Ya Dakko Daga Habasha Don Damfarar Yan Najeriya Da Sunan “Nigeria Air” — Shaida
