News
Gobara Ta Ƙone Gidaje 3 A Kano
wata gobara da ta tashi a yankin Gaida da ke kusa da Fatima Bread a ƙaramar hukumar Kumbotso dake Jihar Kano, ta ƙone gidaje uku tare da lalata wasu kadarori, kamar yadda Hukumar Kashe Gobara ta jihar ta tabbatar.
A cikin wata sanarwa da jami’in hulɗa da jama’a na hukumar, ACFO Saminu Yusif Abdullahi, ya fitar a ranar Laraba, ya ce lamarin ya faru ne da misalin ƙarfe 11:05 na safe a ranar Talata, bayan sun samu kiran gaggawa daga wani mazaunin yankin.
Sanarwar ta ce nan take aka tura jami’an kashe gobara daga hedikwatar su da ke Sharada, tare da ƙarin jami’ai daga ofisoshin Sharada da Rijiyar Zaki domin shawo kan gobarar.
Hukumar ta bayyana cewa da isar jami’anta wurin, sun tarar da wani fili mai girman kusan kafa 50 zuwa 50, wanda ake amfani da shi wajen ajiye na’urar rarraba wutar lantarki (transformer), ya kama da wuta, abin da ya haddasa bazuwar gobarar zuwa gine-ginen da ke kusa.
Sai dai hukumar ta ce jami’anta sun samu nasarar dakile yaɗuwar wutar zuwa wasu gine-gine, tare da shawo kan gobarar.
Binciken farko ya nuna cewa gobarar ta samo asali ne daga walƙiyar lantarki, yayin da hukumomi ke ci gaba da bincike kan lamarin.
Yansandan Jihohi Za Su Mayar da Najeriya Baya Zuwa Matsalolin Shekarun 1960 — Tsohon Kwamishinan ‘Yansanda
Mutane 8 Sun Mutu, 17 Sun Jikkata A Mummunan Hatsarin Mota A Katsina
KOGI: Ana Zargin Dangin Ɗalibi Sun Kashe Malamar Makaranta Saboda Ta Ladabtar da Shi
‘Masu Buƙata Ta Musamman Ba Za Su Ci Gaba da Jira Ba’ — Ƙungiyoyi Sun Yabawa Waiya, Sun Bukaci A Kaddamar Da Hukumar Kano
Ganduje Ya Nesanta Kansa Da Rahoton Da Aka Danganta Masa Kan Kudaden Gwamnatin Kano
Cutar Kwalara Ta Hallaka Akalla Mutum 74 A Borno
ICPC Ta Yi Barazanar Daurin Shekaru 7 Ga Masu Yiwa Baki Rajistar NIN A Matsayin Yan Najeriya
Jam’iyyar ADC Ta Yi Watsi Da Cire Ta Daga Rijista, Ta Sha Alwashin Kalubalantar Hukuncin Kotu
Hayar Jirage Hadi Sirika Ya Dakko Daga Habasha Don Damfarar Yan Najeriya Da Sunan “Nigeria Air” — Shaida
