Dangote Na Shirin Gina Babbar Matatar Mai A Gabashin Afirka Don Ƙarfafa Samar Da Makamashi

Attajirin ɗan kasuwa na Afirka, Aliko Dangote, ya bayyana shirinsa na gina wani sabon matatar mai mai ƙarfin tace ganga 650,000 a rana a yankin Gabashin Afirka.

Wannan sabon shiri na zuwa ne domin ƙarfafa samar da makamashi a yankin, rage dogaro da shigo da man fetur daga ƙasashen waje, tare da inganta tattalin arzikin ƙasashen yankin.

Dangote Na Shirin Gina Babbar Matatar Mai A Gabashin Afirka Don Ƙarfafa Samar Da Makamashi

Dangote, wanda ya riga ya kafa babbar matatar mai a Najeriya mai irin wannan ƙarfi, yana da burin maimaita irin nasarar da ya samu a gida a wani sabon yanki. Matatar da ake shirin ginawa za ta taimaka wajen samar da isasshen man fetur da sauran kayayyakin mai ga ƙasashen Gabashin Afirka, inda ake fama da ƙarancin matatun mai da ke aiki yadda ya kamata.

Masana tattalin arziki na ganin cewa wannan mataki zai kawo sauyi mai girma ga kasuwar makamashi a Afirka, ta hanyar rage tsadar mai, samar da ayyukan yi, da kuma ƙara jawo hannun jari daga waje. Haka kuma, ana sa ran zai taimaka wajen bunƙasa haɗin gwiwar tattalin arziki tsakanin ƙasashen yankin, tare da ƙarfafa dogaro da kai a fannin makamashi.