Yanbindiga Sun Harbe Babba Ma’aikacin Jami’ar NOUN  A Zamfara

‘Yanbindiga sun kashe Malam Nasiru Gusau Marafa, mai kula da harkokin kuɗi na Jami’ar NOUN , a wani hari a Jihar Zamfara, a cewar wata sanarwa da jami’ar ta fitar.

Rahotanni sun bayyana cewa an harbe Marafa ne yayin da yake dawowa daga Gusau a ranar Lahadi, 6 ga Satumba, 2026.

GOMBE: Jami’an Ƴansanda Sun Cafke Saurayi Bisa Zargin Caka Wa Budurwarsa Wuƙa A Maƙogwaro

Sanarwar, wacce Magatakarda kuma Sakataren Majalisar NOUN, Oladipo Adetayo Ajayi, ya sanya wa hannu, ta bayyana mutuwarsa a matsayin wani yanayi na tashin hankali da damuwa.

Sai dai sanarwar NOUN ba ta bayyana inda lamarin ya faru ba kuma ba ta bayar da cikakkun bayanai kan yanayin da ya kai ga harbin ba, ko kuma gano waɗanda ke da alhakin kisan nasa.