Alkaluman hauhawar farashin kayayyaki a Zimbabwe sun yi tashin gwauron-zabi zuwa ninki biyu da rabi, wanda shi ne adadi mafi girma da aka taba gani cikin shekara daya da rabi.
Daukacin ‘yan kasar na cikin matsanancin hali bayan karuwar farashin kayayyaki da suka rubanya har sau hudu, tun daga watan Fabarairu da ya gabata zuwa yanzu.
Rikicin PDP a Kano: Muhammad Abacha ya maka Sadiq Wali a kotu
Mahukunta a kasar sun dora alhakin matsalar kan nakasun tattalin arziki da cutar korona ta haifar, da tashin farashin makamashi da hatsi da kuma takin zamani a fadin duniya.
Karancin dalar Amurka a kasar domin shigo da kayan masarufi daga ketare ya sake ta’azzara tsadar kayyayaki da rayuwar ‘yan ƙasa.
A ranar Litinin da ta gabata ne babban bankin kasar ya fitar da sulallan gwal ga ‘yan kasuwa a wani yunkurin dakile hauhawar farashi da kuma karuwar bukatar dalar Amurka.
