News
Firaiministar Birtaniya za ta gudanar da taron majalisar ministocinta
DAGA KABIRU BASIRU FULATAN
Sabuwar Firaministar Birtaniya, Liz Truss, za ta gudanar da taron ƙaddamar da majalisar ministocinta, kafin ta je gaban majalisa domin amsa tambayoyin da firaminista ke amsawa a karo na farko.
Ta kafa tarihi wajen naɗa majalisar ministoci da ta kunshi bangarori da dama, wanda a karon farko a tarihin Birtaniya, manyan mukamai huɗu da ta naɗa babu cikakken bature a cikinsu.
Sabuwar Firaministar na fuskantar tarin manyan matsaloli– da suka haɗa da shawo kan matsalar hauhawan farashi da tsadar gas.
Ms Truss a jawabinta na farko bayan rantsuwar kama aiki ta alkawarta bijiro da matakai da za su ceto Birtaniya daga kangin matsalolinta, kama daga zaftare haraji da bunkasa harkokin kasuwanci da zuba jari.
BBC NEWS
