News
Dalibai mata da aka sace a Kaduna sun tsere daga hannun ‘yan bindiga
Yan matan makarantar GSS Awon da ke karamar hukumar Kachia a jihar Kaduna na arewa maso yammacin Nijeriya sun tsere daga hannun masu garkuwa da mutane, in ji gwamnatin jihar.
Sanarwar da Kwamishinan Tsaron Cikin Gida na Jihar Kaduna Samuel Aruwan ya fitar ranar Talata, ta ce ‘yan matan, wadanda aka sace su ranar 4 ga watan Afrilu, sun tsere ne daga cikin dajin da ke tsakanin jihohin Kaduna da Neja.
Sanarwar ta ce ‘yan matan sun yi tafiyar kwanaki kafin su samu mafaka a wani wuri da ba a ambata ba.
Bayan haka ne mutane suka ankarar da gwamnatin jihar wadda ta yi shirin kwashe yaran cikin gaggawa da hadin gwiwar sojoji.
“Masu garkuwa da mutanen sun yi ta neman ‘yan matan a cikin daji ba su same su ba don an riga an kwashe su,” a cewar sanarwar.
A halin yanzu suna wani wuri na soji inda ake ba su kulawar da ta dace, a cewar sanarwar.
Gwamnan jihar, Nasiru El-Rufai ya sharwaci ‘yan matan su kara dagewa kan neman ilimi don samun makoma mai kyau, bayan ya yaba da karfin halin da suka nuna wajen tserewa daga masu garkuwa da mutanen.
Amurka Ta Kakaba Takunkumi A Kan Wani Dan Canji Dan Najeriya Da Kamfanoni Uku A Kano Da Largos
Cutar Kwalara Ta Hallaka Mutane 108, Sama Da 13,000 Sun Kamu A Borno
Gwamnatin Oyo Ta Sanya Dokar Hana Fita A Kananan Hukumomi 10 Saboda Matsalar Tsaro
Bayan Kwana 126 A Tsare Kotu Ta Sake Dage Shari’ar El-rufai Zuwa Watan Satumba
Rashin Alfanun Kafa ’Ƴansandan Jihohi Ya Fi Fa’idodinsu Yawa — Farfesa Fagge
Cutar Kwalara Ta Hallaka Akalla Mutum 74 A Borno
ICPC Ta Yi Barazanar Daurin Shekaru 7 Ga Masu Yiwa Baki Rajistar NIN A Matsayin Yan Najeriya
Jam’iyyar ADC Ta Yi Watsi Da Cire Ta Daga Rijista, Ta Sha Alwashin Kalubalantar Hukuncin Kotu
Hayar Jirage Hadi Sirika Ya Dakko Daga Habasha Don Damfarar Yan Najeriya Da Sunan “Nigeria Air” — Shaida
