News
Tinubu ya janye rushe Hukumomin Gudanarwar NAFDAC da NDLEA
DAGA KABIRU BASIRU FULATAN
Shugaba kasa Bola Tinubu ya janye rushe Hukumomin Gudanarwar Hukumar Daƙile Tu’ammali da Muggan Ƙwayoyi, wato NDLEA da kuma Hukumar Kula da Ingancin Abinci ta Ƙasa, wato NAFDAC.
Cikin sanarwar da Daraktan Yaɗa Labarai na Ofishin Sakataren Gwamnatin Tarayya, Willie Bassey ya fitar, ta ce Hukumomin biyu ba su cikin waɗanda aka rusa.
Haka kuma Tinubu ya maida Hukumar NEMA da NAHCON ƙarƙashin Ofishin Mataimakin Shugaban Ƙasa.
Shugaba Bola Tinubu ya rattaba hannun maida Hukumar Agajin Gaggawa (NEMA) da Hukumar Alhazai ta Ƙasa (NAHCON) a ƙarƙashin Ofishin Mataimakin Shugaban Ƙasa.
Ya maida su ne kamar yadda dokar Najeriya ta ce a can za su kasance tun farkon kafa su.
Daraktan Yaɗa Labaran Ofishin Mataimakin Shugaban Ƙasa, Olusola Abiola ne ya fitar da wannan sanarwar a ranar Talata.
Dama kuma a cikin wata sanarwar Tinubu ya ce Hukumomin biyu ba su cikin waɗanda aka rushe.
Wasu Hukumomin Gudanarwar da Tinubu ya rusa sun haɗa da NUC, JAMB, NECO, TETFund, UBEC da wasu birjik.
Hukumomin Gudanarwar da Tinubu ya rusa sun haɗa da na jami’o’i, Kwalejojin Fasaha, JAMB, NUC da dukkan hukumomin da ke ƙarƙashin Ma’aikatar ilmi.
Akwai NBAIS, NERDC, NMEC, NECO, LRCN, NBTE, NCCE, UBEC, CPN, TETFund, NABTEB, NTI, NINLAN, TRCN da sauran su.
Akwai kuma wasu Hukumomi 14 Waɗanda Tinubu bai rusa da guduma.
Akwai Hukumomi 14 waɗanda Tinubu bai rusa da guduma ba.
1. Hukumar Gudanarwar Lafafta Ma’aikata (CCB), wato Code of Conduct Bureau.
2. Majalisar Gudanarwa.
3. Hukumar Federal Character Commission.
4. Hukumar Ma’aikata ta Tarayya.
5. Hukumar Kula da Alkalai ta Ƙasa.
6. Hukumar Zaɓe ta Ƙasa, INEC.
7. Majalisar Tsaro ta Ƙasa.
8. Majalisar Tattalin Arziki ta Ƙasa.
9. Majalisar Shari’a ta Ƙasa.
10. Hukumar Ƙidaya ta Ƙasa.
11. Majalisar Harkokin Tsaro ta Ƙasa.
12. Hukumar Aikin ‘Yan Sanda ta Ƙasa.
13. Hukumar Ɗaukar ‘Yan Sanda ta Ƙasa.
14. Hukumar Rarraba Kuɗaɗen Shiga Ga Sassan Gwamnati.
Shugaba Tinubu Ya Nemi Amincewar Majalisar Dattawa Kan Ciyo Bashin Dala Miliyan 516
Dakarun Sojin Sun Dakile Harin ’Yan Ta’adda A Kukareta, Sun Kashe 24
Kwankwasiyya Ta Yi Allah-wadai Da Kalaman Da Asari Dokubo Ya Yi Kan Kwankwaso
Gwamnatin Nijar Ta Dakatar Da Ƙungiyoyi Masu Zaman Kansu Kusan 3,000
Fashewar Tankar Mai Ta Hallaka Mutane 12, Ta Jikkata 38
Muhimmancin sada zumunci – Malam Jafar
“Azumin Sitta Shawwal: Fa’idodi, Sharudda, Da Muhimmancinsa A Musulunci”
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
JIGAWA: Uba Ya Fasa Aurar Da ‘Yarsa Ga Wani Saurayi Saboda Goyon Bayan Tinubu
