Gwamnan jihar Zamfara ya jaddada aniyar gwamnatinsa na magance matsalolin tsaro da ke addabar jihar 

DAGA KABIRU BASIRU FULATAN.

Gwamnan jihar Zamfara, Dauda Lawal, ya jaddada aniyar gwamnatinsa na magance matsalolin tsaro da ke addabar jihar da kuma dawo da zaman lafiya cikin kankanin lokaci.

Gwamnan ya bayyana haka ne a lokacin da yake karbar rahoto daga kwamitin mika mulki, inda ya yi alkawarin yin nazari sosai kan rahoton tare da samar da tsare-tsare don aiwatarwa cikin gaggawa.

Hukumar NECO tace mutum miliyan 1.2 suka yi rijistar zana jarrabawar kammala sakandare ta shekarar 2023 

Gwamna Dauda Lawal ya jaddada aniyar gwamnatin jihar na toshe duk wata barakar kudaden shiga tare da dora al’adar rikon amana, gaskiya da kuma bude kofa ga gwamnati ga kuwa.

ya kara da cewa Ya yi imanin cewa, dimbin albarkatun da aka kashe a cikin shekaru hudu da suka wuce, ba a gudanar da su ba bisa ka’ida ba, wanda ke haifar da zurfafa talauci da kalubalen tattalin arziki da ake fuskanta a Jihar.

Gwamna Lawal ya kara jaddada cewa gwamnatin sa ta dukufa wajen ganin ta ceto jihar Zamfara da al’ummarta domin ganin ta sauya labarin tare da dauke shi daga jihar da ta yi hakuri zuwa wani matsayi mai kishi wanda ya kamata ya kasance cikin jihohin tarayya.

Gwamnan ya dauki lokaci ya bayyana cewa gwamnatinsa za ta tafiyar da ma’aikatu goma sha shida, yayin da za a samu kwamishinoni goma sha takwas a matsayin mambobin majalisar zartarwa ta jihar.

Biyu daga cikin kwamishinonin za a kai su ofishin Gwamna don bayar da gudumawarsu don yin aiki don samun nasarar aikin “Rescue Mission” na Gwamnatin Jihar Zamfara.