Gwamnonin arewacin Kasar nan na neman tallafin noma daga bankin raya Afirka

DAGA KABIRU BASIRU FULATAN 

Gwamnonin yankin arewa maso yammacin kasar nansun gana da shugaban Bankin Raya Afirka (Africa Development Bank – AfDB), inda suka nemi tallafin bankin wajen haɓaka harkokin noma.

Wata sanarwa daga fadar gwamnatin jihar Zamfara ta ce gwamnan jihar, Dauda Lawal. ya nemi bankin ya kafa wata da’irar harkokin noma da masana’antu da zimmar sarrafa amfanin da aka noma a cikin gida.

Majalisar wakilai Za ta Karfafawa Hukumomin Tsaro don Tunkarar Kalubalen Tsaro — Abbas

“Yayin tattaunawar da gwamnonin Zamfara, da Kebbi, da katsina, da Jigawa, da Kano, da Kaduna suka yi da shugaban AfDB Akinwumi Adesina, sun faɗa masa yankunan da suka fi buƙatar tallafi,” in ji sanarwar.

Gwamnonin sun nemi agajin bankin ne don ya tallafa musu wajen daƙile ƙalubalen da suka haɗa da tsaro, da inganta rayuwa, da kuma noma, kamar yadda sanarwar ta bayyana.

Ta ƙara da cewa bankin ya nuna sha’awarsa ta tallafa wa jihohin, inda “shugaban bankin ya jinjina wa gwamnonin game da fifita walwalar al’ummarsu”.

An daɗe ana nuna fargaba game da ayyukan ‘yan fashin daji da ke hanawa tare da ƙwace wa manoma amfanin gonarsu a waɗannan jihohi, abin da ka iya jawo ƙarancin abinci a yankin da Najeriya baki ɗaya.

A Wani labarin kuma Majalisar wakilai Za ta Karfafawa Hukumomin Tsaro don Tunkarar Kalubalen Tsaro — Abbas

Gwamnatin tarayya ta ce yanzu haka shirye-shirye sunyi nisa domin sauya akalar motoci har milyan 10 masu amfani da man fetir zuwa amfani da Gas nan da watanni 36 masu zuwa.

Karaminin ministan Mai, Ekperikpe Ekpo ne ya baiyana haka a yayin baje kolin mai da iskar gas na shekarar bana wanda ake gudanarwa a birnin Abu Dhabi na hadaddiyar daular larabawa.

A wata sanarwa da kakakinsa Louis Ibah ya fitar, ya baiyaan cewar a yanzu haka anyi kawance da kanfanoni masu zaman kansu domin kawo kayayyakin da za’a yi amfani dasu wajen sauya akalar motocin nan da watanni 9 masu zuwa.

Ya ce matakin wani yunkuri ne na inganta yin amfani da Gas a tsakanin motocin kasar a maimakon Man fetir da suka dogara dashi.