News
Jami’an Tsaro Sun Mamaye Majalisar Dokokin JiharJigawa Kan Shirin Tsige Shugaban Majalisar
DAGA YASIR SANI ABDULLAHI
Jami’an tsaron hadin gwiwa sun karbe ikon majalisar dokokin jihar Jigawa a daidai lokacin da ake kokarin tsige kakakin majalisar Hon Aliyu Haruna Dangyating.
Rahotanni sun nuna cewa ’yan majalisar na shirin tsige shugaban nasu ne saboda rashin gamsuwarsu da kuma zargin sa da yin babakere da yin gaban kansa wajen gudanar da harkokin majalisar da kuma rashin iya shugabanci.
Bincike ya nuna goyon bayan da akasarin mambobin majalisar suka samu kan tsige shi ya haifar da fargaba a garin Dutse, babban birnin jihar.
Jami’an tsaron da aka tura harabar majalisar sun hana kowa shiga har da ma’aikatan majalisar.
Wani babban jami’in majalissar da ya nemi a sakaya sunansa ya tabbatar da an hana shi shiga harabar.
Matakin tsige shugaban Dangyating ya zo ne a daidai lokacin da yake kasar Saudiyya tare da gwamna Umar Namadi, a ziyarar da suka kai da nufin janyo masu zuba jari daga kasar zuwa jihar.
Aminiya ta ruwaito cewa da aka tambaye shi game da tsauraran matakan tsaro, kakakin ’yan sandan jihar, DSP Lawal Shiisu Adam, ya ce sun samu bayanan sirri da ke nuna akwai barazana ga zaman lafiyar al’umma, lamarin da ya sa daukar matakan tsaro.
Jami’an Ƴansanda Sun Kama Masu Aikata Muggan Laifuka Sama Da 300 A Kano
MAN FETUR: Sama Da Kaso 70% Na Kuɗin Shiga Na Masu Adaidaita Sahu Na Narkewa A Sayen Mai — Rahoto
Mutane 3 Sun Mutu Yayin Da Jirgin Ƙasa Ya Kife A Hanyar Warri Zuwa Itakpe
An Gano Matar Da Aka Ce An Yi Garkuwa Da Ita Tare Da Masoyinta A Otal Bayan Neman Kuɗin Fansa
Ilimi Ne Babban Makamin Daƙile Ta’addanci — Ministan Tsaro
Wani Matashi Dan Kano Ya Yanke Gaban Sa
KANO: ‘Yan Bindiga Sun Hallaka Mutum 2 A Gwarzo
Falalar Kwana Goma Na Farkon Zul-Hijjah: Shawarwari Daga Manyan Malamai
Yadda Wata Mata Ta Banka Wa Mijinta Da Amaryarsa Da ‘Ya’yanta Guda Biyu Wuta A Kano
