‎‎Za’a Fara Shigar Da Kararraki Ta Hanyar Amfani Da Internet A Manyan Kotunan Tarayya 

Babbar Kotun Tarayya ta Najeriya ta kaddamar da sabon tsarin zamani na shigar da kararraki ta hanyar amfani da intanet a reshen kotun dake Lagos, wanda zai fara aiki daga ranar Litinin, 23 ga watan Yuni, 2025.

‎Wannan sauyi na daga cikin kokarin sauya yanayin gudanar da shari’a daga tsarin gargajiya zuwa na zamani, domin rage jinkiri da kara inganta yadda ake gudanar da shari’u a kotuna.

‎‎Ambassador Dr. Umar Shu’aibu Gwarzo Ya Taya Gwamnan Kano Abba Kabir Yusuf Murnar Babbar Sallah

‎A wata sanarwa da Babban Mai Rijista na kotun, Sulaiman Hassan, ya fitar, ya bayyana cewa daga ranar da aka kayyade, ba za a sake karɓar kararraki ta hanyar rubuce-rubuce na hannu ba, domin komai zai koma tsarin e-filing.

‎Sai dai ya bayyana cewa dukkan shari’un da aka riga aka shigar kafin fara wannan tsari za a ci gaba da tafiyar da su ta hanyar tsohon tsarin har sai an kammala su.

‎Sanarwar ta kuma umarci lauyoyi da su tabbatar sun bude asusun ‘Legal Mail’ kafin a fara amfani da tsarin, kasancewar hakan na daga cikin sharuddan samun dama ga sabon dandamali na shigar da kara ta yanar gizo.

‎“Wannan asusun na Legal Mail ya zama wajibi ga kowane lauya da ke son shiga wannan tsarin,” in ji Hassan.

‎Babban Mai Rijistar ya kuma gargadi lauyoyi da su guji bayyana bayanai na karya ko saukaka kudaden karar da gangan, domin hakan na iya janyo hukunci.

LEADSHIP