‎Rundunar Sojin Sama Ta Kai Hari Gurin Shagalin Auren Yan Bindiga A Zamfara

Rundunar Sojin Sama ta Najeriya (NAF) ta kai wani hari ta sama kan wani taron biki da ake zargin na ‘yan bindiga ne, a tsaunukan Asaula da ke cikin ƙaramar hukumar Tsafe ta jihar Zamfara.

‎Rahotanni daga yankin sun tabbatar da cewa an kai harin ne da misalin ƙarfe 4:00 na yamma ranar Talata, lokacin da ‘yan bindigar suka hallara domin bikin aure, wanda ya haɗa mayaka daga jihohin Zamfara da Katsina.

‎EFCC Ta Gurfanar da Jami’an Haraji Biyar da Ma’aikacin Banki A Kotu Bisa Zargin Wawure Naira Biliyan 1.2 A Katsina

‎Wata majiya mai tushe daga Zagazola Makama, wata kafar da ke bibiyar al’amuran tsaro a yankin Arewa maso Yamma da Tafkin Chadi, ta ce jirgin yaki ya samu nasarar hallaka wasu daga cikin ‘yan bindigar, yayin da wasu da dama suka jikkata.

‎Bikin, wanda aka ce ya tara manyan ‘yan bindiga daga sassa daban-daban na Zamfara da Katsina, ya kasance wani babban taro ne da harin ya tarwatsa.

‎Operation Fansar Ƴan Bindiga, wanda rundunar soji ta ƙaddamar a farkon wannan shekarar, na ci gaba da kai hare-hare kan sansanonin ‘yan bindiga da wuraren ɓoyarsu a jihohin Zamfara, Katsina, Kebbi da Sokoto.

‎Kakakin rundunar sojin sama bai fitar da sanarwar hukuma a hukumance ba har zuwa lokacin haɗa wannan rahoto.

‎