Lionel Messi ya kamu da korona

Daga Muhammad zahraddin

Ɗan wasan gaban Pairs St-Germain Lionel Messi ya kamu da cutar korona.

Ɗan wasan gaban na Argentina ya kasance ɗaya daga mutum huɗu na kulob ɗin da suka kamu da cutar.

Sauran mutanen da suka kamu da cutar sun haɗa da Juan Bernat da Nathan Bitumazala da Sergio Rico.

An tabbatar da sun kamu da cutar kwana guda kafin karawar kulob ɗin da Vannes a gasar French Cup.

Ana sa ran ƴan wasan za su killace kansu har sai sun samu sauƙi.

Shugaban na PSG Mauricio Pochettino ya bayyana cewa Messi zai ci gaba da zama a Argentina kuma ba zai bar ƙasar ba har sai ya warke.