Sports
Eden Hazard: Likitoci sun yi wa dan kwallon Belgium aiki kan raunin da yake fama
Daga Muhammad Muhammad zahraddin
An yi wa Eden Hazard aiki a raunin da yake fama da jinya a Universitario Sanitas La Zarzuela, don tabbatar da dan kwallon ya warke gabaki daya.
Dakta Jose Palacios ne ya yi aikin tare da kulawar likitocin Real Madrid, kuma kawo yanzu Hazard yana gida, wanda ya fara jinya.
Mai shekara 31, wanda gwarzo ne a Premier League a Chelsea, na fama da jinya a kafarsa ta hadu karo da dama tun bayan da ya koma Real Madrid.
Har yanzu Real Madrid na fatan cin ribar kwarewar Hazard, kuma wannan aikin da likitoci suka yi masa zai kawo karshen jinya da yake yi a koda yaushe.
Hazard ya karya kafa a lokacin da yake buga wa Belgium tamaula a 2017, ciwon ya kara munana, bayan da takwaransa na Belgium, Thomas Meunier ya yi masa keta a gasar Champions League tsakanin Real Madrid da Paris Saint-Germain a Nuwambar 2019.
Bayan da Hazard ya murmure ya kara cin karo da koma baya a Fabrairun 2020, tun daga lokacin raunin ya hana dan kwallon sakat a harkar sana’arsa ta tamaula.
Hazard ya buga wa Real Madrid wasa 17 a kakar nan a La Liga a gasar da Real Madrid ke jan ragama da tazarar maki tara, duk da doke ta 4-0 da Barcelona ta yi.
Wasu rahotanni na cewar Hazard zai koma fagen tamaula nan da mako hudu ko biyar.
Mutane 4 Sun Mutu, 53 Sun Jikkata A Sakamakon Hatsarin Mota A Kano
Masarautar Hadejia: Tarihin Shekaru Dari na Turjiyar Hadejia ya Mamayar Yan Mulkin Mallaka — 1906-2026
Kano: Rasuwar Balarabe Nazeephy Ta Bar Babban Giɓi a Aikin Jarida
Tarauni 2027 : Yadda Hafizu Kawu Ya Daidaita Gasar Siyasa
MTN Ya Sanar Da Dakatar Da Tsarin Bayar Da Rancen Kati Da Data
Muhimmancin sada zumunci – Malam Jafar
“Azumin Sitta Shawwal: Fa’idodi, Sharudda, Da Muhimmancinsa A Musulunci”
Gwamnatin Kano Ta Sanar Da Ranakun Komawa Makaranta
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
