Kasuwar ƴan ƙwallo: Makomar Saka, Tchouameni, Rashford, Eriksen, Nunez

Daga Muhammad Muhammad zahraddin 

Manchester City ta musanta cewa tana sha’awar daukar Bukayo Saka, dan wasan gaba na Arsenal mai shekara 20. (Mirror)

Real Madrid da Aurelien Tchouameni sun amince kan euro miliyan 100 domin dan wasan kungiyar Monaco da Faransa mai shekara 22 ya koma kungiyar. (Athletic)

Tottenham ta fara tattaunawa da Manchester United kan Marcus Rashford, dan wasan gaba na Ingila mai shekara 24 ko ya koma arewacin Landan da buga tamaula. (Caught Offside)

West Ham ta tura jami’anta su kalli yadda Christian Eriksen, dan wasan tsakiya dan kasar Denmark da Brentford mai shekara 30 ke taka leda. Akwai yiwuwar kungiyar ta dauki abokinsa Joakim Maehle, dan wasa mai shekara 25. (Star)

Salah ya yi amai ya lashe, Chelsea za ta dauki Matthijs de Ligt

Neymar ya kusan tarar da Pele a yawan ci wa Brazil kwallaye

Lewandowski ya lashe takalmin zinare a nahiyar Turai karo biyu a jere

Manchester United da Newcastle na cikin kungiyoyi biyu da ke daf da daukan Darwin Nunez, dan wasan Benfica da Uruguay mai shekara 22. (Sebastian Giovanelli via Star)

Kocin Chelsea Thomas Tuchel ya sami tabbaci daga wanda ya sayi kungiyar wato Todd Boehly cewa zai sami damar sayo sababbin ‘yan wasa domin iya tunkarar kungiyoyi kamar Liverpool da Manchester City a kakar wasa mai zuwa. (Telegraph – subscription required)

Aston Villa ba ta sha’awar daukan Yves Bissouma, dan wasan tsakiya na Brighton da kasar Mali mai shekara 25. (Athletic)

Dan wasan gaba na Poland Robert Lewandowski, mai shekara 33, ya ce zai bar Bayern Munich saboda yana bukatar sauyi a rayuwarsa, kuma ya ce “kungiyar tasa ba ta son sauraronsa.” (Bild – in German)