Daga Muhammad Muhammad zahraddin
Jami’an hukumar da ke yaƙi da cin hanci da rashawa ta Najeriya wato EFCC sun fito kan tituna a Jihar Osun
Wakilan BBC da ke jihar sun ce sun hange su a Ikirun da ke Ƙaramar Hukumar Ifelodun a jihar.
Ko a jiya Juma’a sai dai ƴan sandan Najeriya suka bayyana cewa suna aiki tare da EFCC domin daƙile batun sayen ƙuri’a a zaɓen jihar.
Hukumar zaɓe mai zaman kanta ta Najeriya wato INEC na ci gaba da shirye-shiryen gudanar da zaben Jihar Osun.
Wakilan BBC da ke jihar sun bayyana cewa tun ƙarfe 7:00 na safe wasu jami’an na INEC suka soma hallara rumfunan zabe.
A ƙa’idance za a soma tantancewa da kuma jefa ƙuri’a 8:30 na safe a kammala 2:30 na rana.
A yau jama’ar Jihar Osun da ke kudu maso yammacin Najeriya za su gudanar da zaɓen gwamna a jihar.
Ƴan takara 15 ne ake sa ran za su fafata a zaɓen gwamnan jihar da za a gudanar.
Ƴan takarar sun haɗa da;
An kirkiri jihar Osun karkashin mulkin soji na Ibrahim Babangida, daga tsohuwar jihar Oyo a ranar 27 ga watan Agustan 1991.
Isiaka Adeleke, dan uwa ga dan takarar jam’iyyar PDP ne ya fara zama gwamnan jihar a watan Janairun 1992 zuwa Nuwamban 1993, lokacin da gwamnatin mulkin soji karkashin Ibrahim Babangida ta rusa mukaman siyasa bayan soke zaben June 12
Wakilcin Mataimakin Gwamna Garo A Taron Tsaro Na Arewacin Najeriya Abin A Yabawa Gwamna Yusuf Ne
Karuwar Ta’ammuli Da Miyagun Ƙwayoyi Tsakanin Mata Na Barazana Ga Makomar Iyali – Masana
Wasu Da Ake Zargi ‘Yan ISWAP Ne Da Iyalansu Sun Mika Wuya Ga Dakarun Soji
