Bayern ta ci Barca karo na 10 a Gasar Zakarun Turai

Advertisements

DAGA  KABIRU BASIRU FULATAN 

Bayern Munich ta ci wasa na biyu a jere a Champions League na bana, bayan da ta doke Barcelona ranar Talata a Jamus.

Kungiyoyin biyu sun kara a wasa na biyu a cikin rukuni a babbar gasar tamaula ta Zakarun Turai.

Sun kuma kammala minti 45 din farko ba tare da cin kwallo ba, haka suka je hutu.

Bayan da suka koma zagaye na biyu ne Bayern ta zura kwallo a raga ta hannun Lucas Hernandez a minti na biyar da komawa taka leda.

Minti hudu tsakani Leroy Sane ya ci wa Bayern Munich kwallo na biyu da ya bai wa kungiyar Jamus maki ukun da take bukata.

Wannan shi ne karo na 14 da aka fafata tsakanin Bayern Munich da Barcelona a wasannin Zakarun Turai.

Kungiyar Jamus ta yi nasara a karo na 10, yayin da ta Sifaniya ta ci biyu da canjaras biyu.

Ranar 7 ga watan Satumba Barcelona ta dura 5-1 a ragar Victoria Polzen a Camp Nou a wasan farko na cikin rukuni a Champions League.

Jerin haduwa da aka yi tsakanin Bayern da Barca:

2022/23

Champions League Talata 13 ga watan Satumbar 2022

B Munich 2-0 Barcelona

2021/2022

Champions League Laraba 8 ga Disambar 2021

B Munich 3 – 0 Barcelona

Champions League Talata 14 ga watan Satumbar 2021

Barcelona 0 – 3 B Munich

2019/2020

Champions League Juma’a 14 ga watan Agustan 2020

Barcelona 2 – 8 B Munich

2014/2015

Champions League Talata 12 ga watan Mayun 2015

B Munich 3 – 2 Barcelona

Champions League Laraba 6 ga watan Mayun 2015

Barcelona 3 – 0 B Munich

2012/2013

Champions League Laraba 1 ga watan Mayun 2013

Barcelona 0 – 3 B Munich

Champions League Talata 23 ga watan Afirilun 2013

B Munich 4 – 0 Barcelona

2008/2009

Champions League Talata 14 ga watan Afirilun 2009

B Munich 1 – 1 Barcelona

Champions League Laraba 8 ga watan Afirilun 2009

Barcelona 4 – 0 B Munich

1998/1999

Champions League Laraba 4 ga watan Nuwambar 1998

Barcelona 1 – 2 B Munich

Champions League Laraba 21 ga watan Oktoban 1998

B Munich 1 – 0 Barcelona