Kotu ta umarci INEC ta amince da Akpabio a matsayin dan takarar sanata a APC

Advertisements

DAGA MUHAMMAD MUHAMMAD ZAHRADDIN

Wata babbar kotun tarayya da ke Abuja babbar birnin Najeriya ta umarci hukumar zabe mai zaman kanta ta kasar da ta amince tare da wallafa sunan Godswill Akpabio a matsayin dan takarar kujerar sanata mai wakiltar yankin Akwa Ibom ta arewa maso yamma a karkashin jam’iyyar APC.

Jam’iyyar APC dai ta wallafa sunayen Shugaban majalisar dattawa Ahmed Lawan da tsohon ministan Niger Delta Godswill Akpabio, da kuma gwamnan jihar Ebonyi Dave Umahi, a matsayin ‘yan takarar majalisar dattawa a karkashin jam’iyyar

To sai dai hukumar zaben kasar ta cire sunayensu daga cikin jerin sunayen ‘yan takara da ta wallafa