NDLEA ta kama mutum 192 da ake zargi da safarar kwaya

DAGA KABIRU BASIRU FULATAN 

Hukumar hana sha da safarar miyagun kwayoyi a Najeriya – NDLEA ta kama wasu mutane 192 da ake zargi da safarar kwayoyi tsakanin watan Janairu zuwa Satumba a jihar Ebonyi.

Hukumar ta kwace kwaya da ta kai kilogiram 113 a jihar, kamar yadda kwamandan hukumar Iyke Uche ya shaida wa kamfanin dillancin labarai na NAN.

Qatar na nuna rashin jin dadi kan maganar ‘yan ci rani

“Mun yi wannan kamen ne a wurare daban-daban a cikin jihar,” in ji Uche.

A bangaren safarar kwayoyi a jihar, babban kwamandan ya ce ba a fiye kasuwancin kwayoyi a jihar ba, kawai dai tana da masu ta’ammali da ita ne da yawa.