Kotu ta tisa keyar Dan wasan Brazil Dani Alves zuwa gidan yari.

DAGA MUHAMMAD MUHAMMAD ZAHRADDIN 

Wata kotu a ƙasar Sifaniya ta bayar da umarnin tsare ɗan wasan Brazil Dani Alves a gidan yari har zuwa lokacin da za ta yanke hukunci a kan shari’ar da ake yi masa kan zargin cin zarafin wata mata.

A ranar Juma’a ne aka tsare ɗan wasan mai shekara 39 a birnin Barcelona.

Kada ‘yan Najeriya su ɗaga hankulansu kan ɓarkewar cutar mashaƙo – NCDC

Alves wanda tsohon ɗan wasan Barcelona ne ya musanta zargin cewa ya ci zarafin wata mata a wani gidan rawa.

Kan wannan batun dai tuni ƙungiyar da ɗan wasan ke taka wa leda Pumas UNAM ta ƙasar Mexico, ta ce ta soke kwantiragin ɗan wasan nan take.