Liverpool ta samu nasarar farko cikin wasanni 5 a gasar Premier

Liverpool ta samu nasarar farko cikin wasanni 5 da ta buga a gasar Premier Ingila, bayan da ta lallasa Leeds United a gida da kwallaye 6-1.

Kungiyar ta samu gagarumar nasarar ce ta hannun ‘yan wasanta Muhd Salah da Diogo Jota wadanda dukkaninsu suka jefa kwallaye bibbiyu. Sai kuma Darwin Nunez dda Gakpo da suka jefa kwallo guda guda.

JAMB Ta Kara Lokacin Yin Rajistar Masu Neman DE

Rabon da Liverpool ta samu nasara a gasar Firimiya tun bayan lallasa Manchester United da ta yi da 7-0 a farkon watan Maris.

A halin yanzu Liverpool na matsayi na 8 a gasar Firimiyar Ingila da maki 47, maki daya tsakaninta da Brighton da ke matsayi na 7.