News
Sabon zaɓaɓɓen ɗan majalisar wakilan ya rasu
Wani sabon zababben dan majalisar wakilan Najeriya daga jihar Taraba da ke arewa maso gabashin kasar ya rasu ranar Juma’a 21 ga watan Afirilu 2023, da daddare.
Ismaila Maihanci wanda aka zaba domin wakiltar mazabar Jalingo da Yorro da Zing a majalisar wakilai ta tarayya daga jihar Taraba ya rasu ne bayan gajeriyar jinya a Abuja.
Wasu ne za su cinye kudin rage radadin tallafin mai ba talakawa ba – Sanata Ndume
Wani makusancin zababben dan majalisar ne ya tabbatar wa BBC rasuwar inda ya ce mutuwar ta girgiza iyalansa da kuma makusanta.
Ya kara da cewa wannan babban rashi ne ga al’ummar jihar Taraba.
Ba don rasuwarsa ba da zai kasance karon farko da marigayin, dan jam’iyyar PDP zai je majalisa bayan kayar da wanda ke kan kujerar, Kasimu Bello Maigari na jam’iyyar APC.
Ismaila wanda ya samu nasara a zaben da aka gudanar na majalisar tarayya a watan Fabarairu ya kasance daya daga cikin fitattun matasan ‘yan siyasa a jihar Taraba.
An sa ran yin jana’izarsa a ranar Asabar din nan 22 ga watan Afirilu, a Abuja.
An haifi marigayin mai shekara 37, a watan Oktoban shekara ta 1986.
Mamacin ya yi fice ne kasancewarsa dan kasuwa kuma matashin dan siyasa a jihar.
Amurka Ta Kakaba Takunkumi A Kan Wani Dan Canji Dan Najeriya Da Kamfanoni Uku A Kano Da Largos
Cutar Kwalara Ta Hallaka Mutane 108, Sama Da 13,000 Sun Kamu A Borno
Gwamnatin Oyo Ta Sanya Dokar Hana Fita A Kananan Hukumomi 10 Saboda Matsalar Tsaro
Bayan Kwana 126 A Tsare Kotu Ta Sake Dage Shari’ar El-rufai Zuwa Watan Satumba
Rashin Alfanun Kafa ’Ƴansandan Jihohi Ya Fi Fa’idodinsu Yawa — Farfesa Fagge
Cutar Kwalara Ta Hallaka Akalla Mutum 74 A Borno
ICPC Ta Yi Barazanar Daurin Shekaru 7 Ga Masu Yiwa Baki Rajistar NIN A Matsayin Yan Najeriya
Jam’iyyar ADC Ta Yi Watsi Da Cire Ta Daga Rijista, Ta Sha Alwashin Kalubalantar Hukuncin Kotu
Hayar Jirage Hadi Sirika Ya Dakko Daga Habasha Don Damfarar Yan Najeriya Da Sunan “Nigeria Air” — Shaida
