News
Kotu ta yanke hukuncin kisa ga mutumin da ya kashe maƙwafcinsa
Kotu ta yanke wa wani mutum hukuncin kisa ta hanyar rataya sakamakon kama shi da laifin kashe maƙwafcinsa
Wata babbar kotun jihar Ekiti dake zama a birnin Ado Ekiti, ta yanke wa wani mutum mai suna Isma’ila Ojo hukuncin kisa ta hanyar rataya sakamakon kama shi da laifin kashe maƙwafcinsa mai suna Kareem Adu kan saɓanin dake tsakanin game da maganar babur.
An dai gurfanar da Ojo ne gaban kotun inda kuma kotun ta same shi da laifin kashe maƙwafcinsa a ranar 13 ga watan Mayu shekarar 2018.
Alkalin kotun mai shari’a Olusegun Ogunyemi, ya ce, ya gamsu cewa wanda ake tuhumar shine ya kashe maƙwafcinsa nasa ta hanyar shaƙe masa wuya da makogwaro har sai da ya rasa ransa. Saboda haka kotu ta yanke masa hukuncin kisa ta hanyar rataya.
Tun farko ɗan sanda mai shigar da ƙara Sifeta Tunde Arowosola ya shaidawa kotun cewa, wata mata mai suna Agnes Adu ita ce ta zo Ofishin yan sanda tayi ƙorafin cewa wani mutum ya kashe mijinta sakamakon saɓanin da ya shiga tsakaninsu kan ikon mallakar babur, sakamakon haka ne a cewar sa yan sanda ba tare da bata lokaci ba suka kama wanda ake zargin suka gurfanar da shi gaban kuliya.
Rashin Alfanun Kafa ’Ƴansandan Jihohi Ya Fi Fa’idodinsu Yawa — Farfesa Fagge
Dakarun Soji Sun Cafke Wanda Ake Zargi Da Ta’addanci, Sun Ƙwato Makamai A Kano
Gwamnonin Najeriya Sun Nemi Karin Karfin Iko A Tsarin Samar Da Yan Sandan Jihohi
Jamhuriyar Nijar Ta Miƙa Buƙatar Ficewa Daga Kotun Hukunta Manyan Laifuka Ta Duniya ICC
Iran Ta Ayyana Hutun Kwanaki Uku A Tehran Domin Jana’izar Ali Khamenei
Cutar Kwalara Ta Hallaka Akalla Mutum 74 A Borno
ICPC Ta Yi Barazanar Daurin Shekaru 7 Ga Masu Yiwa Baki Rajistar NIN A Matsayin Yan Najeriya
Jam’iyyar ADC Ta Yi Watsi Da Cire Ta Daga Rijista, Ta Sha Alwashin Kalubalantar Hukuncin Kotu
Hayar Jirage Hadi Sirika Ya Dakko Daga Habasha Don Damfarar Yan Najeriya Da Sunan “Nigeria Air” — Shaida
