Hukumar RMAFC ta musanta karin albashi ga Tinubu, Gwamnatoci da sauran su

Advertisements

Hukumar Kula da Harakokin Haraji, Allocation da Fiscal Commission (RMAFC) ta musanta rahotannin kafafen yada labarai na cewa ta amince da karin albashin masu rike da mukaman siyasa da na shari’a da na gwamnati da kashi 114 cikin 100.

A wata hira da Leadership, jami’in hulda da jama’a na ukumar RMAFC, Christian Nwachukwu, ya ce shugaban kasa Bola Tinubu bai amince da karin albashin ma’aikatan gwamnati ba.

Shehu Sani Ya Maida Da Martani Kan Karin Albashin Tinubu, Shettima Da Sauran Su

Kwamishiniyar tarayya a hukumar Rakiya Tanko-Ayuba ce ta bayyana karin albashin a lokacin da ta wakilci shugaban RMAFC, Mohammad Shehu, a wajen gabatar da rahoton kasafin kudin da aka duba ga gwamnan jihar Kebbi, Nasir Idris, a Birnin Kebbi. a ranar Talata 20 ga watan Yuni. Tanko-Ayuba ya bayyana cewa aiwatar da shirye-shiryen biyan albashin da aka duba ya fara aiki daga ranar 1 ga watan Janairun 2023, ikirarin da kakakin hukumar ya musanta.