News
Za a kafci naira bilyan 70 a yi wa sabbin ‘Yan Majalisar Tarayya watanda, manoman ƙasar nan kuma tallafin bilyan 19
DAGA KABIRU BASIRU FULATAN
Gwamnatin Bola Tinubu za ta raba wa sabbin ‘yan Majalisar Tarayya naira biliyan 70, manoma a ba su tallafin naira biliyan 19.
Amma kuma manoma waɗanda suka yi gagarumar ambaliya a 2020, a faɗin ƙasar nan, za a raba masu Naira bilyan 19.
Wannan bayani na ƙunshe cikin wani ƙudirin da Majalisa ta amince da shi a ranar Alhamis.
PREMIUM TIMES ta bada labarin cewa yadda ‘yan Majalisar Tarayya su ka ce albashin su ba ya isar su, har sun fara cin bashi.
Mambobin Majalisar Tarayya sun tayar da ƙurar neman a yi masu albashi mai tsoka, saboda tsadar rayuwa da ake fama.
Ba albashi kaɗai su ka yi magana ba, har ma da alawus-alawus.
Fito da wannan magana ya haifar da ruɗani a zaman Laraba, har Shugaban Majalisar Tarayya Tajuddeen Abbas ya ce a shiga taron musamman.
Daga nan kuma sun ce har yanzu fa ba a biya su albashi da alawus ba, har sun fara cin bashi.
Wanda ya halasci taro, amma ya ce a sakaya sunan sa, ya ce albashi da alawus ɗin ba ya isar su tafiyar da ayyukan su da sauran harkokin su.
Amma kuma ya ce ba a yi maganar albashin su na watan jiya ba.
Shugaban Majalisar Tarayya Tajuddeen Abbas, ya ce maganar albashi mai tsoka, magana ce babba.
SCSN Ta Nuna Fushinta Kan Taɓarɓarewar Tsaro, Ta Buƙaci Gwamnati Ta Ɗauki Mataki Cikin Gaggawa
NUJ Kano Ta Yi Alhinin Rasuwar Fitaccen Ɗan Jarida Adamu Ibrahim Getso
Jami’an Ƴansanda Sun Kama Masu Aikata Muggan Laifuka Sama Da 300 A Kano
MAN FETUR: Sama Da Kaso 70% Na Kuɗin Shiga Na Masu Adaidaita Sahu Na Narkewa A Sayen Mai — Rahoto
Mutane 3 Sun Mutu Yayin Da Jirgin Ƙasa Ya Kife A Hanyar Warri Zuwa Itakpe
Wani Matashi Dan Kano Ya Yanke Gaban Sa
KANO: ‘Yan Bindiga Sun Hallaka Mutum 2 A Gwarzo
Falalar Kwana Goma Na Farkon Zul-Hijjah: Shawarwari Daga Manyan Malamai
Yadda Wata Mata Ta Banka Wa Mijinta Da Amaryarsa Da ‘Ya’yanta Guda Biyu Wuta A Kano
