Lionel Messi ya sake lashe kambun gwarzon dan kwallon kafa na duniya wato Ballon d’Or a karo na 8

DAGA MUHAMMAD MUHAMMAD ZAHRADDIN 

Lionel Messi ya sake lashe kambun gwarzon dan kwallon kafa na duniya wato Ballon d’Or a karo na 8 a wani kasaitaccen biki da aka yi a birnin Paris na Faransa, ranar Litinin.

Mai shekara 36, Messi ya karbi kambun ne a bana daga hannun Karim Benzema, saboda irin rawar da ya taka a kakar wasa ta bara, musamman yadda ya jagoranci ƙasar shi ta Argentina ta lashe kofin duniya da aka yi a kasar Qatar.

Hukumar INEC Zata Kashe Bilyan 18 Wajen Gudanar Zaben Jihohin Imo Da Kogi Da Bayelsa

Erling Haaland ne dai ya zo na biyu bayan an kammala kidaya kuri’u, yayin da Kylian Mbappe ya zo na uku, Kevin De Bruyne kuma na hudu.

Tsohon dan wasan na Barcelona, Messi, dai ya zura wa Argentina kwallo har sau bakwai a gasar, kuma shi aka naɗa gwarzon gasar bayan kasar shi ta lallasa Faransa a bugun daga kai sai mai tsaron gida a wasan karshe.

Dan wasan ya fara lashe kambun Ballon d’Or ɗinsa na farko ne a shekara ta 2009.

Shi ma dan wasan PSG, Mbappe, tauraruwarsa ta haska a gasar ne saboda ya fitar da kasar shi kunya inda ya kare da kambun wanda ya fi kowa yawan zura kwallaye a cikinta.

Mbappe dai ya zura kwallaye takwas ne a gasar, inda ko a wasan karshe sai da ya ci kwallaye uku rigis, wato hat-trick a Turance.

A wani labarin kuma Hukumar INEC Zata Kashe Bilyan 18 Wajen Gudanar Zaben Jihohin Imo Da Kogi Da Bayelsa

Gwamnatin tarayya ta ce yanzu haka shirye-shirye sunyi nisa domin sauya akalar motoci har milyan 10 masu amfani da man fetir zuwa amfani da Gas nan da watanni 36 masu zuwa.

Karaminin ministan Mai, Ekperikpe Ekpo ne ya baiyana haka a yayin baje kolin mai da iskar gas na shekarar bana wanda ake gudanarwa a birnin Abu Dhabi na hadaddiyar daular larabawa.

A wata sanarwa da kakakinsa Louis Ibah ya fitar, ya baiyaan cewar a yanzu haka anyi kawance da kanfanoni masu zaman kansu domin kawo kayayyakin da za’a yi amfani dasu wajen sauya akalar motocin nan da watanni 9 masu zuwa.

Ya ce matakin wani yunkuri ne na inganta yin amfani da Gas a tsakanin motocin kasar a maimakon Man fetir da suka dogara dashi.