Gwarzon dan wasan real Madrid Jude Bellingham Ya Lashe Kyautar Dan Wasan Da Ya Fi Zura Kwallaye

DAGA KABIRU BASIRU FULATAN 

Gwarzon dan wasan real Madrid da kuma kasar Ingila Jude Bellingham ya lashe kyautar gwarzon dan wasan da ya fi zura kwallaye a raga ta Kopa Trophy.

Yayin da mai tsaron raga na kasar Argentina Emiliano Martinez ya zama gwarzon mai tsaron raga na duniya.

Jamiyyar APC ta mayar da martani ga fadan Wike da Fubara

Shi kuwa, Tauraron dan wasan kwallon kafar Argentina da kuma duniya baki daya, Lionel Messi ya sake lashe kyautar gwarzon dan wasan duniya ta Ballon d’or, wanda hakan yasa ya sake lashe kyautar a karo na takwas, tun bayan da kasarsa ta samu nasarar daga kofin duniya a shekarar 2022.

Messi dan shekara 36 a duniya ya doke Karim Benzema wajen samun kyautar bayan da aka gwada kwazonsu na kakar wasannin data gabata, a lokacin da Messin ya kai Argentina ga daukar kofin kwallon kafa na duniya.

Kazalika itama Aitana Bonmati daga kasar Andalu ita ce gwarzuwar yar wasan kwallon kafar mata ta duniya, inda ta cinye kyautar ta Ballon d’or a bangare mata.

Bonmati ta doke abokiyar karawarta Alexia Putellas wajen samun kyautar.

A wani labarin kuma Jamiyyar APC ta mayar da martani ga fadan Wike da Fubara

Gwamnatin tarayya ta ce yanzu haka shirye-shirye sunyi nisa domin sauya akalar motoci har milyan 10 masu amfani da man fetir zuwa amfani da Gas nan da watanni 36 masu zuwa.

Karaminin ministan Mai, Ekperikpe Ekpo ne ya baiyana haka a yayin baje kolin mai da iskar gas na shekarar bana wanda ake gudanarwa a birnin Abu Dhabi na hadaddiyar daular larabawa.

A wata sanarwa da kakakinsa Louis Ibah ya fitar, ya baiyaan cewar a yanzu haka anyi kawance da kanfanoni masu zaman kansu domin kawo kayayyakin da za’a yi amfani dasu wajen sauya akalar motocin nan da watanni 9 masu zuwa.

Ya ce matakin wani yunkuri ne na inganta yin amfani da Gas a tsakanin motocin kasar a maimakon Man fetir da suka dogara dashi.