Jami’an Tsaro Sun Hana ’Yan NNPP Yin Sallar Neman Nasara A Jihar  Kano

DAGA MUHAMMAD MUHAMMAD ZAHRADDIN 

Jami’an ’yan sanda da na Sibil Difens sun hana magoya bayan jam’iyyar NNPP da suka taru a filin Mahaha da ke Kano don yin sallar neman nasara ga Gwamnan Kano, Abba Kabir Yusuf.

Rahotanni na nuni da cewa an fuskanci hatsaniya jim kaɗan da kammala irin wannan addu’ar a ranar Laraba, inda mutane suka yi taho-mu-gama da ’yan sanda.

An kama wani mutum mai shekaru 53 bisa laifin yin lalata da kananan yara masu tabin hankali

Dubban mutanen dai sun fantsama kan titunan Kano suna neman kotun ɗaukaka ƙara ta yi wa Abba adalci bayan kundin shari’ar da ta fitar ya nuna bayanai masu cin karo da juna, inda a wani shafin ya nuna shi ma ya yi masara a shari’ar.

To sai dai lokacin da mutanen suka sake taruwa a filin na Mahaha da ke Ƙofar Na’isa, sun ci karo da jami’an na NSCDC, waɗanda suka hana su shiga filin.

An dai tsara yin sallar ne da misalin karfe 10:00 na safe, amma sai aka ɓige da yin kallon-kallo tsakaninsu da jami’an tsaron, kuma har zuwa lokacin haɗa wannan rahoton ba a bar su sun yi sallar ba.

Mutanen dai sun yi cirko-cirko a Daura da filin, yayin da su kuma jami’an tsaron suka yi wa filin ƙawanya suka hana a shiga ciki.

Sai dai duk ƙoƙarin wakilinmu na jin ta bakin Kakakin Rundunar ’Yan Sandan Jihar Kano, Abdullahi Haruna Kiyawa, ya ci tura har zuwa lokacin haɗa wannan rahoton.

Amma Kakakin NSCDC a Kano, DSC Idris Abdullahi, ya shaida wa wakilin namu cewa an girke jami’an ne saboda a tabbatar mutane ba su yi amfani da yanayin wajen karya doka a Jihar ba.

A wani labarin kuma An kama wani mutum mai shekaru 53 bisa laifin yin lalata da kananan yara masu tabin hankali

Gwamnatin tarayya ta ce yanzu haka shirye-shirye sunyi nisa domin sauya akalar motoci har milyan 10 masu amfani da man fetir zuwa amfani da Gas nan da watanni 36 masu zuwa.

Karaminin ministan Mai, Ekperikpe Ekpo ne ya baiyana haka a yayin baje kolin mai da iskar gas na shekarar bana wanda ake gudanarwa a birnin Abu Dhabi na hadaddiyar daular larabawa.

A wata sanarwa da kakakinsa Louis Ibah ya fitar, ya baiyaan cewar a yanzu haka anyi kawance da kanfanoni masu zaman kansu domin kawo kayayyakin da za’a yi amfani dasu wajen sauya akalar motocin nan da watanni 9 masu zuwa.

Ya ce matakin wani yunkuri ne na inganta yin amfani da Gas a tsakanin motocin kasar a maimakon Man fetir da suka dogara dashi.