Mazauna Wani Kauye A Jihar Kaduna Sun Tsere Daga Gidajen Su Saboda Barazanar Tsaro

DAGA YASIR SANI ABDULLAHI

Mazauna kauyen Maganda dake unguwar Magajin Gari Uku a karamar hukumar Birnin Gwari a jihar Kaduna, sun tsere daga gidajensu sakamakon janye jami’an tsaro da aka girke a yankin.

Rahotanni sun bayyana cewa wasu mazauna kauyukan sun fice saboda fargabar hare-haren ‘yan bindiga da suka shafe shekaru suna addabar al’ummar yankin.

Wani Sashe Na Jami’ar Ahmadu Bello Dake Zaria Ya Kama Da Wuta

Mazauna yankin sun ce jami’an tsaron da aka tura domin kare mutanen kauyen sun bar yankin ne a ranar Asabar din da ta gabata ba tare da an sanar da su ba, lamarin da ya haifar da rudani a tsakanin mazauna garin.

Wani mazaunin yankin kuma tsohon kansila mai suna Ismail A. Ahmed, ya bayyana cewa tuni ya kwashe iyalansa daga yankin.

Inda ya ce da zarar jami’an tsaro sun fita daga yankin sai ‘yan fashin su rinka bi gida-gida suna karbar wayoyin mutane da kudadensu. Ya ce galibin mutanen kauyen sun tsere daga gidajensu, inda suka bar amfanin gonakinsu da sauran kadarori.

A wani labarin kuma Wani Sashe Na Jami’ar Ahmadu Bello Dake Zaria Ya Kama Da Wuta

Isra’ila ta ce ba za ta sabunta takardun izinin shiga Gaza da kuma Gaɓar Yamma da Kogin Jordan ba na babbar jami’ar ayyukan agaji ta Majalisar Dinkin Duniya (MDD) a yankunan Falasɗinawa da Isra’ila ta mamaye.

A watan da ya gabata ne ma’aikatar harkokin wajen Isra’ila ta zargi Lynn Hastings da nuna son-kai tsakanin Isra’ilar da Falasinawa, zargin daMDD ta yi watsi da shi.

Mai magana da yawun MDD, Stephane Dujarric, ya ce Babban Sakatare Antonio Guteres na da cikakken kwarin gwiwa a kan Ms Hastings kan abin da ya kira “duk wani kalubalen aiki”.

Ya ce akwai barazanar da aka dinga yi mata wanda kuma ba za a amince da ita ba.