Gwamnatin Tarayya Na Neman Wasu Ma’aikatan CBN Ruwa A Jallo Kan Zargin Satar Dala Miliyan $6.2m

DAGA YASIR SANI ABDULLAHI

Gwamnatin tarayyar Najeriya na neman ma’aikacin CBN, Odoh Ocheme da wasu mutane biyu bisa zargin sa hannun tsohon shugaban kasa Muhammadu Buhari na jabu na satar kudi $6.2m daga babban bankin kasar.

Gwamnatin ta bayyana haka ne a wata wasika da aka aika wa mataimakin sufeto janar na ‘yan sanda ta ofishin babban mai bincike na musamman akan CBN.

Shirin Agile A Kano Zai Hada Hannu Da Masu Ruwa Da Tsaki A Makoda Domin Ci Gaba Da Inganta Ayyuka

Ana zargin Ocheme, tare da wani Adamu Abubakar da Imam Abubakar, da hada baki tare da rubuta takardun jabu da sunan Buhari da suka yi amfani da su wajen sace $6,230,000 daga asusun CBN.

Wasikar mai dauke da sa hannun Shugaban sashen ayyuka, ofishin mai bincike na musamman, mataimakin kwamishinan ‘yan sanda, Eloho Okpoziakpo, ta ce:

“Mai bincike na musamman, wanda Shugaban kasa kuma babban kwamandan tarayyar Najeriya ya nada domin ya binciki CBN. Kungiyoyi da sauran manyan kungiyoyin kasuwanci na gwamnati, KGBEs, suna rokon ku da ku sanya mutane masu suna a sama akan sanarwar INTERPOL…

Mutanen uku da ake zargi da abokan huldar su sun yaudari CBN ta hanyar nuna cewa suna wakiltar ofishin sakataren gwamnatin tarayya.

Sun yi ikirarin cewa suna bukatar kudi ga masu sa ido kan zabe daga kasashen waje, inda suka yi awon gaba da dala miliyan 6,230.

Muryar Amurka ta ruwaito cewa yanzu haka dai wadanda ake zargin ana tuhumarsu da laifuka shida a babbar kotun tarayya da ke Abuja, bisa laifin rashin gaskiya da suka aikata.

Wadannan tuhume-tuhumen sun nuna irin girman tuhumar da ake yi musu, kuma idan aka same su da laifi, za su fuskanci mummunan sakamako.