News
Ranar Lahadi Ce 1 Ga Watan Muharram — Sarkin Musulmi
DAGA MUHAMMAD MUHAMMAD ZAHRADDIN
Sarkin Musulmi, Alhaji Abubakar Sa’ad III, ya bayyana cewa gobe Lahadi ce za ta zama 1 ga watan Muharram na sabuwar shekarar Musulunci ta Hijira 1446.
Shugaban kwamitin da ke bai wa Sarkin Musulmi shawara kan harkokin addini, Farfesa Sambo Wali Junaid ne bayyana hakan a ranar Juma’a.
Shugaba Tinubu ya yi kuskure wajen aiwatar da cire tallafin fetur —Tsohon Mataimakin Gwamnan CBN
Farfesa Junaid ya ce kwamitin haɗin gwiwa da kwamitin ganin wata na Nijeriya sun tabbatar ba a samu ganin watan Muharram na shekarar 1446 a ranar Juma’ar ba, abin da ke nuna ranar Asabar za ta zama 30 ga watan Zhul Hijja na shekarar 1445.
“Sakamakon haka, Asabar [6 ga watan Yuni] ta zama 30 ga watan Zulhijja 1445…Lahadi kuma [7 ga Yuni] ta zama 1 ga watan Muharram 1446,” a cewar shugaban kwamitin ganin wata na fadar sarkin Musulmi, Farfesa Sambo Wali cikin wata sanarwa.
“Sarkin Musulmi na taya Musulmin Nijeriya murna [sabuwar shekara] da kuma roƙa musu alheri da taimakon Allah,” in ji sanarwar.
Sarkin Musulmin ya roƙi jama’a su ci gaba da addu’ar zaman lafiya da samun ci gaba a ƙasa baki ɗaya.
A tsarin Musulunci, kowane wata kwana 29 ne amma idan aka kasa ganin jaririn sabon wata akan cika watan zuwa kwana 30.
Gwamnatin Nijar Ta Dakatar Da Ƙungiyoyi Masu Zaman Kansu Kusan 3,000
Fashewar Tankar Mai Ta Hallaka Mutane 12, Ta Jikkata 38
KANO: One Kano Agenda Ta Yabawa Gwamnan Abba Kabir Kan Zaɓen Murtala Sule Garo A Matsayin Mataimakinsa
Likitocin Najeriya Sama Da 4,600 Ne Suka Koma Kasashen Waje Da Aiki A Cikin Shekaru 3 —Rahoto
Kungiyar NDWG Ta Nuna Goyon Baya Kan Naɗin Murtala Garo A Matsayin Mataimakin Gwamnan Kano
Muhimmancin sada zumunci – Malam Jafar
“Azumin Sitta Shawwal: Fa’idodi, Sharudda, Da Muhimmancinsa A Musulunci”
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
JIGAWA: Uba Ya Fasa Aurar Da ‘Yarsa Ga Wani Saurayi Saboda Goyon Bayan Tinubu
