Hukumar EFCC Ta Kori Jami’anta 27 Bisa Laifin Zamba Da Rashin Da’a

DAGA NUSAIBA ABDULLAHI TUKUNTAWA 

Hukumar EFCC da ke yaki da cin hanci A Najariya ta kori jami’anta 27 bisa laifin zamba da rashin da’a

Wannan na kunshe ne cikin wata sanarwa da mai magana da yawun hukumar, Dele Oyewale, ya fitar ranar Litinin a birnin Abuja.

Abba @62: Kanawa Suna Da Shugaba Mai Hangen Nesa Da Tausayin Al’ummar Jihar —Dr. Labaran

Oyewale ya bayyana cewa ma’aikatan an kore su ne saboda aikata laifuka daban-daban da suka shafi zamba da rashin da’a.

Sai dai, hukumar ba ta bayyana sunayen waɗanda aka sallama ba.

A cewarsa, sallamar su ta biyo bayan shawarar Kwamitin Ladabtar da Ma’aikata na EFCC tare da amincewar Shugaban Hukumar, Ola Olukoyede.