Labarai
Daliban Jami’ar Northwest Sun Kai Gudummawa Gidan Gyaran Hali A Kano

DAGA YASIR SANI ABDULLAHI
A wani yunkuri na tallafawa al’umma, wasu daliban da suka kammala karatun su a fannin Ilimin Kimiyyar Bayanai da Dakin Adana Bayanai (Library and Information Science) a Jami’ar Northwest, Kano, sun kai gudummawar kayan bukatun yau da kullum zuwa Gidan Gyaran Hali da Tarbiyya na Kurmawa, Kano.
Ziyarar ta gudana ne karkashin jagorancin Kwamared Abdurrashid B. Imam, tare da wasu daga cikin abokan karatu, inda suka bayyana cewa manufar wannan aiki shi ne tallafawa wadanda ke tsare a gidan gyaran hali, tare da tunatar da al’umma muhimmancin taimakon marasa galihu.
Majalisar Dattijai Ta Naɗa Sanata Babangida Hussaini a Matsayin Ciyaman na Kwamitin NWDC
A cewar B. Imam, “Mun sake lekawa gidan gyaran halin ne domin kara bada gudummawar mu ga waɗanda suke rayuwa a wancan gida.”
Har ila yau, ya yi kira ga daidaikun al’umma, kungiyoyin dalibai, da kungiyoyin da ba na gwamnati ba da su ci gaba da tallafawa waɗanda ke killace a gidajen gyaran hali domin ba su damar inganta rayuwarsu.
A karshe, shugaban tawagar ya mika godiya ga dukkan wadanda suka bada gudummawa, wanda hakan ya ba su damar aiwatar da wannan aikin alkhairi.
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai1 day ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
