Business
CBN Ya Sanar Da Kara Harajin Da Ake Cajar Mutane In Sun Cire Kudi Daga Na’urar ATM.
DAGA YASIR SANI ABDULLAHI
Babban Bankin Najeriya (CBN) ya sanar da sabon tsarin cire kuɗi ta na’urar ATM, inda za a caje masu amfani da katin ATM na banki Naira 100 kan kowace Naira 20,000 da suka cire.
A wata sanarwa da John Onojah, mukaddashin daraktan sashen dokoki da tsarin harkokin kuɗi na CBN, ya sanya wa hannu, bankin ya bayyana cewa sabon tsarin zai fara aiki daga ranar 1 ga Maris, 2025.
CBN ya bayyana cewa wannan mataki zai taimaka wajen rage hauhawar kuɗin gudanar da ayyukan ATM da kuma inganta ayyukan na’urar ATM ɗin.
Wannan sabon tsarin ya yi daidai da sashi na 10.7 na kundin “CBN Guide to Charges by Banks, Other Financial and Non-Bank Financial Institutions (2020).”
Sai dai, idan kwastoma ya cire kuɗi a ATM da ke harabar banki (on-site ATM), za a caje shi Naira 100 kan kowace Naira 20,000 da ya cire.
CBN ya umarci dukkan bankuna da cibiyoyin kuɗi da su tabbatar da sun aiwatar da wannan sabon tsari kafin ranar da aka sanya.
Daga nan zuwa ranar fara aiwatar da tsarin, ana sa ran bankuna za su sanar da abokan huldarsu don kauce wa rashin fahimta da rikice-rikicen da ka iya tasowa.
Kotun Ƙoli Za Ta Yanke Hukunci Kan Rikicin Masarautar Kano
Iran Ta Gindaya Sharudda 3 Domin Kawo Ƙarshen Yaƙi
Gwamnatin Kano Ta Ɗauki Nauyin Horar Da Marubuta Labaran Wassanni 10
Jami’an NDLEA Sun Kama Mutane 56, Ta Tarwatsa Wuraren Sayar Da Miyagun Ƙwayoyi A Kano
Ministan Tsaron Ya Gayyaci Shugabannin Rundunonin Soji Kan Karuwar Hare-hare A Arewa
Idan Kana Azumi Kada Ka Rasa Waɗannan Abubuwa 11 – Sheikh Daurawa
Ayyuka Takwas Masu Tarin Lada A Kwanaki 10 Na Ƙarshen Watan Ramadan.
Falalar Ramadan Da Wasu Hukunce-hukuncen Azumi
Falalar Kwanaki 10 Na Tsakiyar Watan Ramadan
