NDLEA Ta Gurfanar da Kasurgumin Dilan Ƙwaya a Gaban Kotu  A Kano

Hukumar Yaki da Sha da Fataucin Miyagun Ƙwayoyi ta Ƙasa (NDLEA) ta gurfanar da wani sanannen dillalin ƙwaya, Sulaiman Danwawu, a gaban babbar kotun tarayya da ke Kano, bisa tuhume-tuhume takwas da suka shafi mallakar miyagun ƙwayoyi.

Danwawu, wanda aka fi sani da suna a cikin al’umma saboda rawar da yake takawa wajen fataucin ƙwayoyi a yankin Kano, an cafke shi ne a ranar 10 ga Mayu, tare da wasu da ake zargi da aikata laifuka daban-daban a jihar, bisa bayanin da rundunar ‘yan sanda ta jihar ta fitar.

CREDICORP Ta Ƙaddamar da Sabon Shiri Don Sauƙaƙa Hanyar Samun Rance Mara Ruwa Ga Talakawa

Bayan cafkewar, an mika shi ga hukumar NDLEA domin ci gaba da gudanar da bincike tare da shirin gurfanar da shi a gaban kotu.

Wata takardar tuhuma da jaridar DAILY NIGERIAN ta samu ta bayyana cewa NDLEA ta zargi Danwawu da mallakar nau’o’i daban-daban na miyagun ƙwayoyi, ciki har da waɗanda ke da haɗari sosai ga lafiyar jama’a da zaman lafiyar ƙasa.

A halin yanzu, ana ci gaba da sauraron shari’ar a kotu, yayin da hukumar NDLEA ke nuna jajircewarta wajen yaki da fataucin ƙwayoyi a fadin ƙasar nan.