News
INEC Za Ta Kafa Sashen AI Don Tabbatar Da Sahihancin Zaɓe
Hukumar Zaɓe Mai Zaman Kanta ta Ƙasa (INEC) ta bayyana shirin kafa wani sabon sashen da zai dinga aiki da Ƙirkirarriyar Basira (AI) domin inganta gudanar da zaɓe a Najeriya.
Sanarwar da hukumar ta fitar a ranar Talata, 22 ga Mayu, ta ce sabon sashen zai taimaka wajen sauƙaƙa harkokin zaɓe da hana yaɗuwar labaran ƙarya a kafafen sada zumunta.
Kwamishinan hukumar kuma Shugaban Sashen Sadarwa da Wayar da Kan Jama’a, Sam Olumekun ne ya bayyana hakan, inda ya ce INEC ta shiga taruka daban-daban a nahiyar Afrika kan amfani da AI a harkokin zaɓe.
Ya ce ana sa ran fasahar za ta taimaka wajen rarraba kayan zaɓe, tattara bayanai, da ɗaukar matakai cikin sauri, haka kuma za ta taimaka wajen gujewa matsalolin da kan tashi a lokacin zaɓe.
“Hakika akwai haɗari idan aka yi amfani da Ƙirkirarriyar Basira wajen yaɗa bayanan ƙarya ko jirkita gaskiya, amma idan aka yi amfani da ita yadda ya kamata, za ta taimaka ƙwarai wajen tabbatar da gaskiya da sahihanci a tsarin dimokuraɗiyya,” in ji Olumekun.
INEC ta ce sabon sashen zai kasance ƙarƙashin Sashen Fasaha da Sadarwa na hukumar, kuma za a yi amfani da shi wajen ƙara inganta hulɗa da masu zaɓe da kuma tabbatar da sahihancin sakamakon zaɓe.
Bauchi: Dakarun Soji Sun Kai Samame Maboyar ‘Yan Bindiga, Sun Ceto Mata 6 Da Yara 13
NDLEA Ta Kama Ma’aurata Bisa Zargin Safarar Wiwi
Wata Likita Ta Riga Mu Gidan Gaskiya Bayan Ta Haifi Ƴan-Uku
KANO: Jami’an Ƴansanda Sun Cafke Matasa Biyu Bisa Zargin Damfarar Sama Da Mutum 500 Da Sunan Aljannu
Wata Tankar Gas Ta Murƙushe Adaidaita Sahu
Muhimmancin sada zumunci – Malam Jafar
“Azumin Sitta Shawwal: Fa’idodi, Sharudda, Da Muhimmancinsa A Musulunci”
Gwamnatin Kano Ta Sanar Da Ranakun Komawa Makaranta
JIGAWA: Uba Ya Fasa Aurar Da ‘Yarsa Ga Wani Saurayi Saboda Goyon Bayan Tinubu
