‎Ƴansanda Sun Kama Wani Dattijo Mai Shekara 63, Bisa Zargin Satar Babur A Neja.

Rundunar Ƴansanda ta jihar Neja ta kama wani dattijo mai shekara 63, bisa zargin satar babur kirar Bajaj a ƙauyen Tugan-Kawo da ke cikin ƙaramar hukumar Kontagora.

Jaridar Punch ta ruwaito cewa an cafke shi ne a lokacin da ya ke ƙoƙarin satar babur ɗin, inda jami’an tsaro suka same shi da makullai da dama da ake zargin yana amfani da su wajen buɗe babura.

‎Wani Matashi Ya Ƙwaƙwule Idon Kanwar Sa Yar Shekara 7 A Bauchi

‎Kakakin rundunar ‘yan sandan jihar, DSP Wasiu Abiodun, ya tabbatar da faruwar lamarin a sanarwar da ya fitar a ranar Lahadi, yana mai cewa an kama wanda ake zargin ne tare da taimakon ƴan banga.

‎Abiodun ya ƙara da cewa, wanda ake zargin ya amsa laifinsa bayan kama shi, kuma daga baya an gano mamallakin babur ɗin da aka yi ƙoƙarin satarwa