News
Jami’an Yansanda Sun Kama Yan Damfara 6 A Kano
Rundunar Ƴansandan jihar Kano ta ce ta cafke wasu mutane shida da ake zargi da hannu a damfara ta hanyar amfani da katin SIM da kuma bayanan bankuna na jama’a.
Kakakin rundunar, CSP Abdullahi Haruna Kiyawa, ya bayyana hakan a cikin wata sanarwa da ya fitar ranar Laraba, 5 ga Nuwamba 2025, inda ya ce an gano ƙungiyar ne bayan wani mai suna Nura Abdullahi daga Kabuga ya kai ƙara cewa an sace masa katin SIM kuma aka sace Naira miliyan 5 da dubu 750 daga asusun bankinsa.
Rundunar ta ce, bincike ya nuna cewa waɗanda aka kama suna yi amfani da bayanan mutane kamar BVN da NIN wajen buɗe asusun banki na bogi, samun kati na ATM, sannan su kwashe kuɗin mutane ta hanyar damfara.
Kazalika Kiyawa ya tabbatar nn gano wayoyin salula guda shida da kuma kuɗi har Naira miliyan ɗaya da dubu ɗari bakwai (N1,700,000) a hannunsu.
Kwamishinan ‘yan sanda na jihar, CP Ibrahim Adamu Bakori, ya yabawa tawagar masu bincike saboda jajircewarsu da saurin ɗaukar mataki, tare da gargadin jama’a da su guji bayar da bayanansu na BVN da NIN ga wanda ba su sani ba.
Ya ƙara da cewa bincike yana ci gaba, kuma za a gurfanar da waɗanda ake zargin a kotu da zarar an kammala bincike
Wata Tankar Mai Ta Fashe A kaduna
An Kashe Ministan Tsaron Mali A Harin Ta’addanci
Zaɓen Shekarar 2027: Me Ya Sa Shugaban Tinubu Zai Iya Yin Nasara Ko Rashin Nasara
Shugaban Amurka Tare Da Mataimakinsa Sun Tsallake Rijiya Da Baya A Wani Harin Bindiga
Jami’an EFCC Sun Kama Ɗan Asalin Kamaru Bisa Zargin Damfarar Sama Da Naira Biliyan 1.5
Muhimmancin sada zumunci – Malam Jafar
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
JIGAWA: Uba Ya Fasa Aurar Da ‘Yarsa Ga Wani Saurayi Saboda Goyon Bayan Tinubu
DSS Sun Cafke Wata Matashiya Mai Yi Wa ‘Yan Bindiga Safarar Harsashai A Kano
