Labarai
Jami’an ’Yan Sanda Sun Ceto Mutumin Da Mahaifinsa Ya Daure Shi Da Sarka Tsawon Shekaru 17

Rundunar Ƴan Sanda reshen jihar Bauchi ta sanar da ceto wani mutum mai matsakaicin shekaru, Muhammad Lawan wanda aka fi sani da Babangida, bayan da ake zargin mahaifinsa ya tsare shi a cikin gida tare da daure shi da sarka tsawon shekaru goma sha bakwai.
Lamarin ya fito fili ne bayan wani dan kishin kasa ya sanar da jami’an tsaro cewa mutumin na tsare a gidan mahaifinsa ba tare da kulawa ba.
Tsarin Siyasar Kano : Ya Kamata Gwamna Abba Ya Yunkura
A cewar rundunar, jami’ai karkashin jagorancin DPO na B Division tare da kakakin ’yan sanda sun kai samame kauyen Shadawanka, inda suka samu mutumin cikin mawuyacin hali, yana fama da tsananin yunwa da rauni.
Jami’an tsaron sun kama mahaifin mutumin, Mohammed Lawan, wanda ake zargi da tsare shi, kuma yanzu yana hannun ’yan sanda domin ci gaba da bincike.
A halin yanzu, an garzaya da wanda aka ceto asibiti domin samun kulawar gaggawa, bisa umarnin Kwamishinan ’Yan Sandan Jihar Bauchi, Sani-Omolori Aliyu, yayin da hukumomi ke ci gaba da bincike kan dalilan da suka haddasa lamarin.
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai1 day ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
