Dalibin Jami’ar Gombe Da Ke Rayuwa Da Abinci Mai Ruwa Kaɗai Tsawon Shekaru 21

DAGA UMAR IBRAHIM MUHD 

Wani ɗalibi ɗan shekara 21 a Gombe State University ya ja hankalin jama’a bayan bayyana cewa bai taɓa cin abinci mai nauyi ba tun yana ƙarami, sai dai abinci mai ruwa kaɗai.

Dalibin mai suna Isma’il, wanda ke matakin ƙarshe a jami’ar, bai taɓa cin shinkafa, wake, taliya, tuwo ko sauran abincin yau da kullum da mutane ke ci ba. A maimakon haka, yana rayuwa ne da abubuwan sha kamar shayi, madara, ko wasu abinci masu sauƙin sha.

Dakarun Soji Sun Hallaka ‘Yan Ta’adda 15 A Yobe

A wata tattaunawa da ya yi da Kamfanin Dallancin Labarai Kasa (NAN), Isma’il ya ce matsalar ta fara tun yana ƙarami, inda duk lokacin da ya ci abinci mai nauyi sai ya yi amai.

Ya ce an kai shi asibitoci da dama domin a duba lafiyarsa, amma gwaje-gwajen likitoci sun tabbatar da cewa babu wata cuta a jikinsa.

Wasu na danganta halin da yake ciki da mutuwar ‘yar uwarsa da aka haife su tare (usainarsa), mai suna Susan, wadda ta rasu tana da watanni biyar kacal.

Wasu kuma sun taɓa zargin wata alaka da tsafi, lamarin da ya sa aka gwada masa magungunan gargajiya iri-iri, amma babu wani sauyi.

Mahaifinsa, Yaron tsohon ma’aikacin banki — ya ce sun yi ta kai shi asibitoci daban-daban tun yana yaro, amma duk inda aka kai shi ana tabbatar da cewa lafiyarsa kalau ce, duk da cewa ba ya iya cin abinci mai nauyi.

Asali da karatu

An haifi Isma’il a Yamaltu Deba a Jihar Gombe State, kuma yana karantar nazarin halayyar ɗan Adam a jami’ar.

Ya ce matsalar ba ta taɓa hana shi karatu ba, domin bai fuskanci tangarda wajen rubuta jarabawa ba tun daga sakandare har zuwa jami’a.

Ra’ayin masana

Wata farfesa daga Harvard University, Haduwa Ibrahim, ta ce al’amarin na iya kasancewa wani yanayi na musamman a jikin mutum da ba kasafai ake gani ba, duba da sakamakon gwaje-gwajen kwayoyin halittarsa.

Isma’il na fatan kammala karatunsa lafiya kamar yadda ya fara, yana mai cewa burinsa shi ne ya ga ranar yaye tare da abokan karatunsa — ko da kuwa yana ɗauke da mazubin shayinsa, abin da ya saba da shi tun yana ƙarami.