News
Kotu Ta Yanke Wa Wani Matashi Hukuncin Daurin Shekaru 20 A Gidan Yari A Kano
Babbar Kotun Jihar Kano ta yanke wa wani matashi mai shekaru 25 hukuncin daurin shekaru 20 a gidan yari bayan samunsa da laifin kashe kawunsa sakamakon rikici kan gona.
Wanda aka yankewa hukuncin, Bara’u Sa’idu, mazaunin Jarimawa dake Ƙaramar Hukumar Bagwai a Kano, an gurfanar dashi ne gaban kotu bisa zargin kisan kai, amma tun da farko ya musanta aikata laifin.
Masu gabatar da kara sun shaida wa kotu cewa lamarin ya faru ne da safiyar ranar 7 ga Agustan 2021, inda rikici ya barke tsakanin Sa’idu da kawunsa, Magaji Yusuf, mai shekaru 64, kan wata matsala da ta shafi gona.
A cewarsu, Sa’idu ya buge marigayin da sanda a kai, lamarin da ya jawo masa munanan raunuka, ciki har da rasa ido guda, wanda daga bisani ya yi sanadin mutuwarsa.
Da yake kare kansa, Sa’idu ya shaida wa kotu cewa bai yi niyyar kashe kawunsa ba, yana mai cewa ya bugi marigayin ne domin kare kansa yayin rikicin.
Sai dai a hukuncin da ta yanke, Mai shari’a Justice Maryam Sabo ta ce hujjojin da masu gabatar da kara suka gabatar sun tabbatar da laifin wanda ake kara ba tare da kokwanto ba.
Kotun ta yanke masa hukuncin daurin shekaru 20 bisa tanadin dokar Penal Code ta Jihar Kano.
Mutane 49 Sun Mutu A Saharar Nijar Saboda Rashin Ruwan Sha
Ana Dab Da Kafa ’Yansandan Jihohi — Fadar Shugaban Ƙasa
Yadda Tashar Talabijin Mallakin Gwamnatin Kano Ta Zama Cibiyar Sare Bishiyu Da Sayar Da Itace
TARIHI: Yadda FEDECO Ta Yi Wa Jam’iyyu Biyar Rajista Domin Fafatawa A Zaɓuɓɓukan Jamhuriya Ta Biyu.
DAMINAR 2026: Yankuna 148 Na Fuskantar Barazanar Ambaliyar Ruwa A Jigawa – NEMA
Wani Matashi Dan Kano Ya Yanke Gaban Sa
KANO: ‘Yan Bindiga Sun Hallaka Mutum 2 A Gwarzo
Falalar Kwana Goma Na Farkon Zul-Hijjah: Shawarwari Daga Manyan Malamai
Yadda Wata Mata Ta Banka Wa Mijinta Da Amaryarsa Da ‘Ya’yanta Guda Biyu Wuta A Kano
