News
Waye zai maye gurbin Shekarau a takarar Sanata ta NNPP?
Daga Yasir sani abdullahi
A farkon makon da muke ciki ne Sanata Ibrahim Shekarau ya bayyana ficewarsa daga jam’iyyar NNPP mai alamar kayan marmari, tare da aikewa da hukumar zaɓe mai zaman kanta ta ƙasa INEC takardar ajiye takarar Sanatan Kano ta tsakiya da yake a jam’iyyar, bisa zargin rashin adalci da yake ga jagoran jam’iyyar na ƙasa, Sanata Rabiu Musa Kwankwaso.
Tun bayan faruwar lamarin, al’umma ke tofa albarkacin bakinsu akan wanda ya kamata ya gaji wannan takara, musamman tsohon dan takara, Aliyu Sani Madaki, wanda kwankwasiyya ta tsayar a kakar zaben shekarar 2019 da ya gabata.
Hal ila yau, akwai masu fatan Sanata Rufai Sani Hanga ya samu wannan tikiti, akwai masu ganin Sha’aban Ibrahim Sharada ya ajiye takararsa ta gwamna a ADP domin yazo NNPP a bashi wannan tikiti, da sauran mutane da masoya ke musu fatan alheri.
Bisa doka, jam’iyya na da kwanaki 14 ne daga ranar da dan takara ya tura takardar ajiye takara ga INEC, daga nan kuma sai a shirye sabon zaɓen fidda gwani, duk cikin kwanaki 14.
A yanzu dai abin jira a gani, shi ne lokaci, domin bayyana wanda zai samu wannan tikiti cikin mutanen da ake yiwa zawarci.
Wata Tankar Mai Ta Fashe A kaduna
An Kashe Ministan Tsaron Mali A Harin Ta’addanci
Zaɓen Shekarar 2027: Me Ya Sa Shugaban Tinubu Zai Iya Yin Nasara Ko Rashin Nasara
Shugaban Amurka Tare Da Mataimakinsa Sun Tsallake Rijiya Da Baya A Wani Harin Bindiga
Jami’an EFCC Sun Kama Ɗan Asalin Kamaru Bisa Zargin Damfarar Sama Da Naira Biliyan 1.5
Muhimmancin sada zumunci – Malam Jafar
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
JIGAWA: Uba Ya Fasa Aurar Da ‘Yarsa Ga Wani Saurayi Saboda Goyon Bayan Tinubu
DSS Sun Cafke Wata Matashiya Mai Yi Wa ‘Yan Bindiga Safarar Harsashai A Kano
