Ɗalibin BUK ya zama shugaban ƙungiyar LAWSAN ta Najeriya

DAGA YASIR SANI ABDULLAHI 

Kwamared Yasir Abubakar, ɗalibi mai karantar Shari’a a jami’ar Bayero da ke Kano, kuma ɗan aji 4, ya zama shugaban ƙungiyar ɗalibai lauyoyi ta Najeriya, mai suna LAWSAN.

Hukumar zaben ƙungiyar ta tabbatar da lashe zaɓen da Yasir ya yi bayan ya samu ƙuri’u 30 a zaɓen da aka gudanar a otal ɗin Swiss Spirit Hotel, da ke garin Fatakwal a Juma’ar da ta gabata.

Za A Kara Wa Abuja Megawatt 800 Na Lantarki

Abubakar dai ya kayar da abokin karawarsa Ann Lyam Iverem daga jami’ar Bingham a jihar Nasarawa, wanda ya sami ƙuri’u 26.

Bayan gudanar da zaɓen, wasu daga cikin mahalarta zaɓen sun nuna murnarsu gami da tabbacin cewa lallai Yasir zai taɓuka abin kirki da yardar Allah.

#TDRHausa